Apple

एप्पलको सक्रिय प्रयोगकर्ता एक विलियन पुगे, पहिलो त्रैमासिकमा १११ विलियन कारोबार

एप्पलको सक्रिय प्रयोगकर्ता एक विलियन पुगे, पहिलो त्रैमासिकमा १११ विलियन कारोबार
Global IME Bank

एप्पलले सन् २०२१ को पहिलो त्रैमासिक प्रतिवेदन सार्वजनिक गरेको छ । कम्पनीले अक्टोबर, नोभेम्बर र डिसेम्बर त्रैमासिकमा दुई महत्वपूर्ण कोसेढुंगा प्राप्त गरेको छ।

कम्पनीको इतिहासमा पहिलो पटक १०० विलियन अमेरिकी डलर बराबरको रेभेन्यु प्राप्त गरेको छ । साथै एप्पलका सक्रिय प्रयोगकर्ता एक विलियन पुगेका छन् ।

पहिलो त्रैमासिकमा एप्पलले १११.४४ विलियन अमेरिकी डलर रेभेन्यु उठाएको छ । जसमा २८.६ विलियन अमेरिकी डलर नाफा कमाएको छ । सन् २०२० को पहिलो त्रैमासिकमा एप्पलले ९१.८ विलियन अमेरिकी डलर रेभेन्यु संकलन गरेको थियो । २२.२ विलियन अमेरिकी डलर नाफा कमएको थियो ।

सन् २०२१ को पहिलो त्रैमासिकमा एप्पलले केहि नयाँ उत्पादन बजारमा उपलब्ध गराएको थियो । आईप्याड एयर, नयाँ एम१ म्याकबुक, म्याक मिनी, चार वटा नयाँ फाइभजी आईफोन १२ सिरिज सार्वजनिक गरेको छ ।

सन् २०२१ को पहिलो त्रैमासिकमा एप्पपले आईफोनबाट ६५.६ विलियन अमेरिकी डलर, सर्भिसबाट १६.७६ विलियन अमेरिकी डलर, म्याकबाट ८.६८ विलियन अमेरिकी डलर, वेयरेवल, होम र एसेसिरिजबाट १२.९७ विलियन अमेरिकी डलर र आईप्याडबाट ८.४४ विलियन अमेरिकी डलर बराबरको रेभेन्यु उठाएको छ।

Sajilo Visa
easy care