Technology Khabar ८ पुष २०७७, बुधबार
काठमाडौं ।
टेक कम्पनी माइक्रोसफ्टले ल्यापटप र स्मार्टफोन ‘अनलक’ गर्ने तरिका परिवर्तन गर्न लागेको छ। हालै आएको रिपोर्टअनुसार माइक्रोसफ्टले आफ्ना उपकरणमा पासवर्डको सुविधा हटाउन लागेको हो।
माइक्रोसफ्टले ब्लग पोष्ट मार्फत पासवर्ड टाइप गर्ने चलन २०२१ सम्म परिवर्तन गरिसक्ने बताएको छ।
बढ्दै गएको साइबर हमलाको कारण यो कदम चाल्नु पर्ने माइक्रोसफ्टको भनाइ छ।
कम्पनीका अनुसार ८० प्रतिशत साइबर हमला प्रयोगकर्ताका पासवर्डलाई लक्षित पारेर गरिन्छ र हरेक दिन २५० वटा अकाउन्टहरु ह्याक हुने गर्छ। त्यसैले कम्पनीले आफ्ना सेवाहरुमा पासवर्ड बनाउने सुविधा नै हटाउन निर्णय गरेको हो।
‘पासवर्ड प्रयोग गर्न यसैपनि समस्या हुन्छ र यसले प्रयोगकर्ताको अनलाइन सुरक्षामा पनि उत्तिकै जोखिम बढाउँछ,’ कम्पनीले आफ्नो ब्लग पोष्टमा लेखेको छ।
पासवर्ड बनाउने चलन परिवर्तन गर्नको लागि कम्पनीले गत वर्ष ‘विन्डोज हेलो’ ल्याएको थियो। जसबाट प्रयोगकर्ताले पासवर्ड नराखिकन नै फिंगर प्रिन्ट स्क्यानर वा वेबक्याम प्रयोग गरि सिधै ‘विन्डोज १०’ साइन इन गर्न सक्छन्।
माइक्रोसफ्टका अनुसार २०२० को मे सम्म विन्डोज हेलो प्रयोग गर्ने प्रयोगकर्ताको संख्या १५ करोड पुगेको थियो। यस वर्ष भने प्रयोगकर्ताको संख्या १५.३ प्रतिशतले बढेको छ।
२०२१ सम्म भने कम्पनीले पासवर्ड प्रयोग गर्ने चलन पुर्ण रुपमा हटाउने विश्वास गरेको छ।
यसको लागि कम्पनीले ‘कन्भर्जड रेजिस्ट्रेसन पोर्टल’ ल्याउने तयारी गरिरहेको छ। एजेन्सी
पासवर्डहरू प्रयोग गर्न एक समस्या हो, र ती प्रयोगकर्ताहरू र सबै आकारका संगठनहरूका लागि सुरक्षा जोखिम प्रस्तुत गर्दछन्, मासिकरुपमा प्रत्येक २५० कर्पोरेट खाताहरूमध्ये औसत एकमा सम्झौता गरिन्छ। कम्पनीले ब्लगमा भनेको छ ।
गार्टनर समूहका अनुसार सबै हेल्प डेस्क कलहरूको २० देखि ५० प्रतिशत कल पासवर्ड रिसेटका लागि हुने गर्दछ। वर्ल्ड इकोनोमिक फोरमको अनुमान छ कि साइबर अपराधले प्रति मिनेट विश्वव्यापी अर्थतन्त्रको २.९ मिलियन डलर लागत आउँछ, जसमध्ये पासवर्डको आधारमा हुने आक्रमणको ८० प्रतिशत हुने माइक्रोसफ्टले उल्लेख गरेको छ ।
प्रकाशित: ८ पुष २०७७, बुधबार
