ग्याजेट्स

राष्ट्रिय आविष्कार केन्द्रले तयार पार्यो ‘न्यानो नानी’ नामक बेबी वार्मर

राष्ट्रिय आविष्कार केन्द्रले तयार पार्यो ‘न्यानो नानी’ नामक बेबी वार्मर
Global IME Bank

राष्ट्रिय आविष्कार केन्द्रले हालै नवजात शिशुहरुलाई तातो पार्न प्रयोग हुने ‘न्यानो नानी’ नामक बेबी वार्मर बनाएको छ ।

भर्खरै जन्मेका बच्चाहरुलाई न्यानो बनाउन प्रयोग गरिने यो बेबी वार्मर अन्तराष्ट्रिय इलेक्ट्रोटेक्निकल कमिसनको कोड Code IEC 60601-2-21 अनुसारको गुणस्तरसँग मिल्ने गरी बनाइएको केन्द्रले जानकारी दिएको छ ।

हालै केन्द्रका संस्थापक महाविर पुनले ट्विटरमार्फत बेबी वार्मर तयार रहेको र ईच्छुकहरुले किन्न सक्ने बताए ।

उनले विदेशमा निर्माण भएको यस्तो उपकरण नेपालमा धेरै प्रयोगमा रहेको भन्दै नेपाली बेबी वार्मर भने ६० हजार रुपैयाँ हाराहारी पर्ने बताए ।

केन्द्रले पहिलो चरणमा १५ वटा तयार पारेको र थप आवश्यकता र मागअनुसार तयार पार्ने उनले जानकारी दिएका छन् ।

केन्द्रका ईन्जिनियरहरुलाई यसको डिजाईन गर्न, बनाउन, परीक्षण गर्न र निर्माण गरेर अहिलेको अवस्थामा ल्याउन करिब १८ महिना लागेको बताईएको छ ।

Sajilo Visa
easy care