Apple

एप्पलले आफ्ना सबै उत्पादनका आपूर्ति श्रृंखलाबाट कार्बनलाई सन् २०३० सम्म हटाउने

एप्पलले आफ्ना सबै उत्पादनका आपूर्ति श्रृंखलाबाट कार्बनलाई सन् २०३० सम्म हटाउने
Global IME Bank

टेक कम्पनी एप्पलले आफ्नो पुरै व्यवसायबाट कार्बन उत्सर्जनलाई हटाउने घोषणा गरेको छ । कम्पनीले आफ्नो उत्पादनहरुका साथै पुरै आपूर्ति श्रृंखलाबाट नै कार्बन उत्सर्जनलाई आगामी दशकमा हटाउने बताएको हो ।

आईफोन निर्माता कम्पनीले आफ्नो ग्लोबल कर्पोरेट संचालनहरु जसमा कार्यालयहरु तथा डाटा सेन्टरहरुमा यसअघि नै कार्बन न्यूनिकरण गरिरहेको भन्दै यो अभियानलाई अब आफ्ना आपूर्तिकर्ताहरुमा बिस्तार गर्ने भनेको छ । कम्पनीका आपूर्तिकर्ताहरुले एप्पलका उत्पादनहरुमा योगदान गर्दै आएका छन् ।

एप्पलले कार्बन उत्सर्जनलाई करिब ७५ प्रतिशतसम्म कम गर्ने लक्ष्य लिएको छ भने बाँकी २५ प्रतिशत कार्बन हटाउने वा कार्बन हटाउने किसिामका परियोजनाहरु संचालन गर्ने बताएको छ। यस्ता परियोजनाहरु वृक्षारोपण र बासस्थान पुर्नस्थापनलगायत छन् ।

आपूर्ति श्रृंखलाहरुका लागि एप्पलले स्कोप थ्री शब्दाबलीको प्रयोग गरेको छ जसले अप्रत्यक्षरुपमा कम्पनीको भ्यालु चेनबाट आउँछ ।

कम्पनीकाअनुसार यसको करिब ७४ प्रतिशत कार्बन उत्सर्जन यसको उत्पादन निर्माताहरुबाट हुने गर्दछ र यसलाई सम्बोधन गर्न कम्पनीले १०० मिलियन डलर भएको यूएस चाइना ग्रीन फण्ड स्थापना गर्न सहयोग गर्नेछ ।

यो फण्डले ती आपूर्तिकर्ताहरुलाई उर्जा दक्षता प्रोजेक्टहरु संचालन गर्न पूँजी लगानी गर्नेछ।

यसका साथै कम्पनीले रिसाइकल गरिएको सामाग्रीहरुको प्रयोग गर्नका लागि आपूर्तिकर्ताहरुसँग काम गरिरहेको छ । हाल पनि कतिपय उत्पादनमा रिसाइकल गरिएका सामाग्रीहरु एप्पलले प्रयोग गर्दछ । एजेन्सीका साथ

Sajilo Visa
easy care