एप्लिकेसन

सुरक्षा कमजोरी हेर्न जूमद्धारा फेसबुकका पूर्व सेक्यूरिटी चीफलाई नियुक्त, नयाँ अपडेट समेत जारी

सुरक्षा कमजोरी हेर्न जूमद्धारा फेसबुकका पूर्व सेक्यूरिटी चीफलाई नियुक्त, नयाँ अपडेट समेत जारी
Global IME Bank

जूम भिडियो कम्यूनिकेसन्स इंकले फेसबुकका पूर्व सेक्यूरिटी चिफ एलेक्स स्टामोसलाई सेफ्टी एण्ड प्राइभेसीको लागि सल्लाहकार नियुक्त गरेको छ ।

कम्पनीले तिब्रगतिमा भिडियो कन्फरेन्सिङ्ग एपको माग बढिरहेको बेलामा प्राइभेसीको बारेमा निकै विवाद र कमजोरी भेटिएको हुँदा आलोचना खेपिरहेको छ ।

जसले गर्दा पछिल्लो चरणमा विभिन्न कम्पनीहरुले जूम एप प्रयोग नगर्न उर्दि नै जारी गरेका छन् । यसैबिच अल्फाबेट इंकको गूगलले कर्पोरेट ल्यापटपहरुमा बुधबारदेखि जूमको डेस्कटप भर्सनलाई प्रतिबन्ध लगाएको छ ।

जूमको कमजोर सेक्यूरिटीका कारण विभिन्न विद्यालयहरुले समेत आफ्नो आधिकारीक कार्यहरुमा जूम एपको प्रयोगलाई रोक लगाएका छन् ।

यहि समयमा कम्पनीले सेक्यूरिटी सम्बन्धि विषयहरुलाई समाधान गर्न फेसबुकका पूर्व सेक्यूरिटी चिफ एलेक्स स्टामोसलाई सल्लाहकारको रुपमा नियुक्त गरेको हो । उनले यसअघि गएको मार्चको अन्त्यमा निरन्तर ट्विटमार्फत जूमले थप पारदर्शिता देखाउनुपर्ने र सेक्यूरिटी प्लान ल्याउनुपर्ने बताएका थिए ।

सेक्यूरिटीलाई ध्यानमा राख्दै जूमले ९० दिने योजना सार्वजनिक गरेको छ भने कम्पनीले चिफ इन्फर्मेशन सेक्यूरिटी अफिसर्स काउन्सिल समेत गठन गरेको छ ।

यसैबिच जूमले डेस्कटपको लागि नयाँ अपडेट भर्सन ४.६.१० जारी गरेको छ । जसमा कम्पनीले यसअघिका केहि फिचरहरुमा परिवर्तन गरेको छ ।

नयाँ परिवर्तनमा टाइटर बारबाट मिटिङ्ग आईडी हटाएको छ । यसअघि टाइटलमा नै प्रत्येक मिटिङ्गको आईडी देखिने गर्दथ्यो । त्यस्तै इन्भाइट बटनलाई पार्टिसिप्यान्टस प्यानलमा सारेको छ ।

कम्पनीले केहि नयाँ फीचरहरु समेत नयाँ भर्सनमा थप गरेको छ । जसअनुसार होस्टको मिटिङ्ग टूरबारमा सेक्यूरिटी बटन थप गरेको छ भने केहि बगहरु समेत समाधान गरेको छ ।

Sajilo Visa
easy care