काठमाडौं ।
माइक्रोसफ्टले हालै नयाँ पेन्टेन्ट दर्ता गरेको छ जसकाअनुसार कम्पनीले छिटै एक नयाँ सर्फेस प्रोडक्ट लॉन्च गर्न सक्नेछ । कम्पनीको नयाँ पेटेन्ट पनि माइक्रोसफ्ट सर्फेस डुओ जस्तै छ, तर यसमा थप तीनवटा डिस्प्ले देख्न सकिनेछ।
माइक्रोसफ्टको यस पेन्टेन्टमा सिंगल हिन्ज मैकानिज्म भएको तीनवटा डिस्प्लेयुक्त प्रोडक्ट हेर्न सकिन्छ।
रिपोर्टका अनुसार माइक्रोसफ्ट सर्फेस टीमले नै यस नयाँ उत्पादनमा काम गर्दैछ। प्याटेन्टका अनुसार माइक्रोसफ्टको यो नयाँ उपकरणमा दुई अलग स्क्रीनहरू हिन्जमार्फत जडित छन्, जून यसअघि हामीले सर्फेस डुओ र नियोमा देखिसकेका छौं।
यी दुई मुख्य डिस्प्लेको साथसाथै यस प्याटेन्टमा सानो र तेस्रो स्क्रिन पनि दिइन्छ, जसले स्टेटस बारको जस्तो काम गर्न सक्छ।
यो स्क्रिन उपकरणको छेउमा अवस्थित छ। यदि तपाइँले मेकानिजममा ध्यान दिनुभयो भने त्यहाँ तपाईँले तेस्रो स्क्रिनमा कन्ट्रोल लजिक लेखिएको देख्नुहुनेछ। यहाँ कम्पनीले केहि महत्त्वपूर्ण कार्यहरू दिन सक्नेछ।
यो एज स्क्रिनमा सीमित क्षमता भएका फीचरहरु हुन सक्छन्। रिपोर्टका अनुसार, यहाँ तपाईंले समय, नोटिफिकेसनहरु, कनेक्टेड डिभाइसको बारेमा देख्न सक्नुहुनेछ।
माइक्रोसफ्टकाअनुसार प्रयोगकर्ताहरूले सो डिस्प्लेमा यसभन्दा थप जानकारीहरु पनि थप्न सक्दछन्। उदाहरणको लागि, प्रयोगकर्ताहरूले यस सानो डिस्प्लेमा मिस्डकलहरू र अन्य महत्त्वपूर्ण नोटिफिकेसनहरू प्राप्त गर्न सक्दछन्।
मुख्य डिस्प्ले एक्टिभ नभएको बेलमा मात्र प्रयोगकर्ताहरूले यी सबै जानकारी प्राप्त गर्न सक्ने बताईएको छ । एजेन्सी
प्रकाशित: २२ चैत्र २०७६, शनिबार
