काठमाडौं ।
जेफ बेजोसको ब्लू ओरिजिनले आज आफ्नो चौथो अन्तरिक्ष पर्यटन मिशन लन्च गरेको छ। यसका साथमा कम्पनीले अन्तरिक्षको छेउमा उच्च-गतिको उडानहरू बनाउने आफ्नो मिशन जारी राखेको छ।
छ जना यात्रुहरू, जसमा एक ब्लू ओरिजिन इन्जिनियर र पाँच भुक्तानी गर्ने ग्राहकहरू रहेका छन्, उनीहरूको ब्लू ओरिजिन न्यू शेपर्ड क्याप्सुलमा बिहीबार अमेरिकी समयअनुसार बिहान ९:३० बजे योजनाअनुसार उडेका थिए।
यो उडान ब्लू ओरिजिनको तीन अघिल्लो सबर्बिटल जन्टहरू जस्तो देखिने अपेक्षा गरिएको छ । र यसको प्रत्यक्ष प्रशारण ब्लू ओरिजिनको वेबकास्टमा गरिएको थियो।
६० फिट अग्लो रकेटद्वारा उडाईएको ब्लू ओरिजिन क्याप्सुलमार्फत तिनीहरू ध्वनिको गतिभन्दा तीन गुणा बढी अर्थात २,००० माइल प्रतिघण्टा भन्दा बढीको गतिमा अन्तरिक्षमा पुगेका थिए।
तिनीहरूको क्याप्सुलले १०० किलोमिटर (वा ६२ माइल) उचाइमा कार्मान रेखा पार गर्नेछ, जुन बाह्य अन्तरिक्ष सुरु हुने उचाइको रूपमा व्यापक रूपमा चिनिन्छ।
उडानको उच्च स्थानमा, यात्रुहरूले केही मिनेटको तौल विहीनताको अनुभव गरेका छन् र तिनीहरूले झ्यालबाट पृथ्वीको बाहिरी भाग देख्नेछन्।
यात्राको लागी भुक्तानी तिर्ने पाँच ग्राहकहरुले कति शुल्क भुक्तानी गरे भन्ने स्पष्ट छैन्। ब्लू ओरिजिनले सार्वजनिक रूपमा एक निश्चित प्रति-सीट मूल्य बिन्दु खुलासा गरेको छैन्।
यद्यपि यसले २ करोड ८० लाख डलरमा एउटा टिकट लिलामी गरेको थियो। तर त्यो बेजोसको साथमा यात्रा गर्नको लागि तयार सिटको लागि थियो।
उता ब्लू ओरिजिनको प्रत्यक्ष प्रतिस्पर्धी, भर्जिन ग्यालेक्टिकले ४ लाख ५० हजार डलरमा सिटहरू बेच्छ।
यस उडानमा चर्चित शो स्याटर्डे नाइल लाइभका स्टार पीट डेभिडसन सहभागी हुने निर्धारित गरिएको थियो, तर ब्लू ओरिजिनले यस महिनाको सुरुमा तालिका परिवर्तनको घोषणा गरेपछि उसले मिसन छोडेका थिए।
प्रकाशित: १७ चैत्र २०७८, बिहीबार
