काठमाडौं ।
रूस-युक्रेन युद्धमा क्रिप्टोकरेन्सी प्रस्तावहरू गरिएका रिपोर्टहरू आएका छन्। रिपोर्टहरूकाअनुसार, रुसी सैनिकहरूलाई लोकप्रिय ह्याक्टिविस्ट संगठन एनोनिमसले बिटक्वाइन प्रस्ताव गरेको छ। बदलामा उनीहरूलाई आफ्ना ट्याङ्कहरू समर्पण गर्न भनिएको छ।
यस ह्याकर समूहले आत्मसमर्पण गर्ने प्रत्येक रुसी सैन्य गाडीको लागि बिटक्वाइनमा ५२ हजार डलर तिर्ने वाचा गरेको छ। यस अन्तर्राष्ट्रिय ह्याकर समूहले २६ फेब्रुअरीमा रुसविरुद्ध ‘साइबर युद्ध’ घोषणा गरेको थियो। रूस विरुद्ध धेरै साइबर आक्रमणहरू दावी गरिएको थियो। समूहले रिपोर्ट गरेअनुसार यसले आक्रमणको पहिलो दुई दिनमा ३०० भन्दा बढी रूसी लक्ष्य ह्याक गरेको छ र १ अर्ब रूबल भन्दा बढी उठाएको छ।
बीईनक्रिप्टोको एक रिपोर्टअनुसार, धेरै रूसी सैनिकहरू ‘एनोनिमस’ को दाबीमा सहमत हुन इच्छुक छन् र बिटक्वाइनको सट्टामा आफ्नो ट्याङ्कहरू दिन गर्न चाहन्छन्। यसका लागि उनीहरूले सेतो झण्डा फहराउनुपर्नेछ र ह्याकर समूहको पहिचान गर्न ‘मिलियन’ शब्दको प्रयोग गर्नुपर्नेछ। ‘एनोनिमस’ ले आफ्नो कथित बयानमा भनेअनुसार ‘एनोनिमस’ समुदायले आफ्नो परिवार, बच्चाहरूसँग रहन चाहने र मर्न नचाहेका रूसी सैनिकहरूका लागि बिटक्वाइनमा कोष खडा गरेको छ।
रुसी राष्ट्रपति भ्लादिमिर पुटिन र उनको सरकार विरुद्ध फेब्रुअरी अन्तिममा ‘साइबर युद्ध’ घोषणा गरेपछि समूहले ट्विटरमा भिडियो पोस्ट गरेको थियो। यदि युक्रेनमा आक्रमणहरू रोकिएन भने, रुसी नेताहरूले “विश्वको हरेक कुनाबाट साइबर आक्रमणको सामना गर्ने” चेतावनी दिएका छन्।
हालै एनोनिमसले आफूसँग जोडिएको ह्याकर समूहले रुसको अन्तरिक्ष एजेन्सी ‘रोस्कोसमोस’लाई बन्द गराएको दाबी गरेको छ। ह्याकर समूहले एक ट्वीटमा लेखेका छन्, “रूसी अधिकारीहरूसँग “आफ्ना जासूस उपग्रहहरूमा कुनै नियन्त्रण छैन”। यद्यपि, रोस्कोसमोसका महानिर्देशक, दिमित्री ओलेगोविच रोगोजिनले यी दावीहरूलाई अस्वीकार गरे र यो सत्य नभएको उनले बताए । हाम्रा सबै अन्तरिक्ष गतिविधि नियन्त्रण केन्द्रहरू सामान्य रूपमा काम गरिरहेका छन्।
एकातिर युक्रेनी सेनाले रुसलाई प्रत्यक्ष लडाइँमा रोक्न खोजिरहेको छ भने यो देशले साइबर हमलामार्फत रुसको प्रतिकार गरिरहेको छ। युक्रेनका उपप्रधानमन्त्री मिखाइलो फेदोरोभले केही दिनअघि आफ्नो सरकारले आईटी सेना बनाउने घोषणा गरेका थिए।
प्रकाशित: २० फाल्गुन २०७८, शुक्रबार
