काठमाडौं ।
मेटाले आफ्नो इन्स्टाग्राम र फेसबुक मेसेन्जरमा एक अपडेट जारी गरेको छ। रिपोर्टका अनुसार अब प्रयोगकर्ताले इन्स्टाग्राम स्टोरी र डाइरेक्ट मेसेजमा थ्रीडी अवतार पठाउन सक्नेछन्।
यद्यपि यो फिचर अमेरिका, क्यानाडा र मेक्सिकोका लागि मात्रै सार्वजनिक गरिएको छ तर चाँडै नै सबै प्रयोगकर्ताका लागि जारी गरिने बताइएको छ। यस्तै परिवर्तन फेसबुक मेसेन्जरमा पनि गरिएको छ।
मेटाभर्सलाई हेरेर परिवर्तन
कम्पनीको यो फिचर अन्तर्गत इन्स्टाग्राममा आफ्नो स्टोरी पोस्ट गर्दा थ्रीडी ग्राफिक्स प्रयोग गर्न सकिन्छ। यसमा धेरै क्यारेक्टरहरूको थ्रीडी अवतार थपिएको छ। क्यारेक्टरबाहेक अन्य कुरामा पनि थ्रीडी लुक दिने प्रयास गरिएको छ।
फेसबुक मेसेन्जरमा पनि यो सुविधा प्रयोग गर्न सकिन्छ। त्यहाँ तपाईँले धेरै थ्रीडी स्टिकर वा चित्रणहरू पनि पाउनुहुनेछ। कम्पनीले आफ्नो भावी प्रोजेक्ट मेटाभर्सलाई ध्यानमा राख्दै त्यस्ता थ्रीडी क्यारेक्टरहरू जारी गर्दैछ।
कयौं अन्य फिचर कार्य प्रगतिमा
रिपोर्टका अनुसार मेटाले इन्स्टाग्रामका लागि अन्य धेरै फिचरहरूमा काम गरिरहेको छ। यसमा प्रतिक्रियाका लागि नयाँ स्टिकर र इमोजी, इन्स्टाग्राम रिल्सका लागि टेम्प्लेट फिचरको रूपमा प्रयोग, २४ घण्टाको लागि स्टेटस शो र एनएफटी सुविधाहरू समावेश छन्। यी सबैको परीक्षण भइरहेको छ।
प्रकाशित: १८ माघ २०७८, मंगलवार
