काठमाडौं ।
गुगल पे प्रयोगकर्ताहरूका लागि खुसीको खबर छ। यदि सबै कुरा ठीकठाक रहेको अवस्थामा चाँडै नै तपाईंले यस प्लेटफर्ममा क्रिप्टोकरेन्सीमार्फत भुक्तानीको सुविधा पनि पाउनुहुनेछ।
रिपोर्टका अनुसार गुगलले ब्लकचेन टेक्नोलोजीमा काम गरिरहेको छ। यसका लागि कम्पनीले छुट्टै इकाई तयार गरेको छ। यसका लागि टोलीले काम पनि थालेको छ। तर, यसमा काम गर्ने बारे गुगलले अहिलेसम्म कुनै जानकारी दिएको छैन।
गुगल ल्याबले भविष्यमा काम गर्ने
कम्पनी व्यवस्थापनले हालै मात्र यो विशेष शाखा गठन गरेको प्रतिवेदनमा उल्लेख छ। यस इकाईलाई गुगल ल्याब नाम दिइएको छ। यस इकाईको उपस्थिति लगभग एक दशकको लागि तोकिएको छ। गुगल ल्याब्स कम्पनीले ल्याएका नयाँ परियोजनाहरूमा काम गर्दछ। यद्यपि यो नयाँ इकाई पुरानो गुगल ल्याब भन्दा फरक छ।
यसले अघिल्लो ल्याबजस्तै सार्वजनिक नभई आन्तरिक समूहको रूपमा काम गर्नेछ। रिपोर्टमा भनिएअनुसार इकाईले ‘ब्लकचेन र अन्य नेक्स्ट-जेन डिस्ट्रिब्युटेड कम्प्युटिङ्ग र डाटा स्टोरेज टेक्नोलोजीहरू’ मा केन्द्रित हुनेछ।
गुगलका लागि इन्जिनियरिङ उपाध्यक्ष शिवकुमार वेंकटरामनलाई यस इकाईको ‘फाउन्डिङ्ग लीडर’ को जिम्मेवारी दिइएको छ।
धेरै भुक्तानी गेटवेहरूले प्रयोगकर्ताहरूलाई क्रिप्टो भुक्तानीको विकल्प दिइरहेका छन्। यसका लागि मेटाले काम पनि सुरु गरिसकेको छ।
क्रिप्टोकरेन्सीको बढ्दो लोकप्रियता देखेर अब गुगलले पनि यसतर्फ कदम चालेको हुनसक्छ।
प्रकाशित: १० माघ २०७८, सोमबार
