नासाको स्विफ्ट अब्जर्भेटरी ‘एटिच्यूड कन्ट्रोल’ मा असफल भएसँगै ‘सेफ मोड’मा

काठमाडौं ।

नासाको नील गेहरल्स स्विफ्ट अब्जर्भेटरीले १७ वर्ष सहज सेवा दिएपछि कठिनाइमा परेको छ। अन्तरिक्षमा परिक्रमा गर्ने अन्वेषक अवस्था परिवर्तन गर्न प्रयोग हुने छ ओटा प्रतिक्रिया पाङ्ग्राहरू मध्ये एउटामा “सम्भावित विफलता” पत्ता लगाएपछि अब सो अब्जर्भेटरी अर्थात वेधशाला सुरक्षित मोडमा प्रवेश गरेको छ।

यद्यपि साँच्चैमा के समस्या भयो भनेर स्पष्ट छैन। हाल नासाले दिशामा आधारित वैज्ञानिक अवलोकनहरू रोकेको छ जबसम्म यो सबै विषय वस्तु स्पष्ट हुनेछ वा पाँच पाङ्ग्राहरूका साथ सञ्चालन जारी राख्न सक्नेछ।

‘फेब्रुअरी २००५ मा स्विफ्ट अब्जर्भेटरीले सञ्चालन सुरु गरेपछि यो पहिलो सम्भावित प्रतिक्रिया पाङ्ग्रा समस्या हो,’ नासाले भन्यो। बाँकी भेहिकलले ठीकसँग काम गरिरहेको छ।

स्विफ्ट अब्जर्भेटरीले विगत दुई दशकमा खगोल विज्ञानमा महत्त्वपूर्ण भूमिका खेलेको छ। यो मुख्य रूपमा गामा-रे विस्फोटहरू पत्ता लगाउनको लागि बनाइएको थियो र प्रति दिन लगभग ७० ओटा पत्ता लगाउँदछ। यसका साथै यो वेधशालालाई अन्य विषयहरुमा समेत प्रयोग गर्दै आएको छ।

यदि स्विफ्टमा दिर्धकालिन समस्या छ भने पनि नासा गम्भीर समस्यामा पर्नेछैन, तर अन्तरिक्ष यानलाई सकेसम्म सहज रूपमा चलाउँदा यसले स्पष्ट रूपमा फाइदा पुर्‍याउँछ।