काठमाडौं ।
धेरै विकासकर्ताहरूले वर्डल (Wordle) नामक एपको लोकप्रियतालाई मुद्रीकरण गर्ने प्रयास गरेपछि एप्पलले यसको एप स्टोरबाट शब्द-अनुमान गर्ने सनसनी वर्डलका धेरै प्रतिलिपी कपीक्याट संस्करणहरू हटाएको छ।
सो वेबसाइटमा मात्र खेल्न सकिने सफ्टवेयर इन्जिनियर जोश वार्डलद्वारा सिर्जना गरिएको थियो, जसले मूल रूपमा आफ्नो शब्द खेल-मायालु साझेदारको लागि बनाएको थियो।
विशेषगरी एप स्टोरमा देखा पर्ने वर्डल एपहरूको हालै प्रतिलिपीको बारेमा धेरै हल्ला गरिएको थियो। वेबमा आधारित खेल ठूलो हिट भएको छ, यो नि:शुल्क छ, र यो वेबमा मात्र खेल्नका लागि उपलब्ध छ। तर कयौं डेभलपरहरुले भने त्यसको फाइदा उठाउँदै र नक्कल गर्दै एप स्टोरमा सोही नाममा कयौं नक्कली एप बनाएका थिए। जसले यसलाई एप स्टोरमा बेचे र तिनीहरूमध्ये एकले प्रति वर्ष सदस्यता शुल्क ३० डलरसम्म लिएको थियो।
त्यसमध्ये धेरै एपहरुको नक्कल गर्ने डेभलपर जाख शाक्डले पनि हुबहु सोही एपको नक्कल गरेर वार्षिक ३० डलर उठाएका थिए । उनले त्यस बारेमा ट्विटरमार्फत जानकारी दिएको द भर्जले उल्लेख गरेको छ।
त्यसपछि सामाजिक सञ्जालहरुमा एप स्टोरको तिब्र आलोचनाका साथै वेबमा आधारित वर्डलको गुनासो र विरोधपछि एप्पलले फेक एपहरु हटाएको छ।
रिपोर्टकाअनुसार हाल शब्दमा आधारित दुई पजल गेमहरु मात्र एप स्टोरमा रहेका छन् । जुन वर्डल भन्दा भिन्न छन् ।
प्रकाशित: ३० पुष २०७८, शुक्रबार
