काठमाडौं ।
दक्षिण कोरियाको सरकारले नयाँ प्ले-टु-अर्न (P2E) खेलहरू रोक्नको लागि कदम चालेको छ। यसले गुगल र एप्पललाई आफ्नो एप स्टोरबाट अवस्थित गेमहरू हटाउन आग्रह गरेको छ।
कोरियामा प्ले-टु-अर्न खेलहरूको लोकप्रियता भर्खरै क्रिप्टोलाई स्वीकार गर्ने तिब्र गतिका कारण बढेको छ। यी खेलहरूले खेलाडीहरूलाई विनिमययोग्य टोकनहरू जित्ने मौका दिन्छ, जुन उनीहरूले पैसा कमाउन उच्च मूल्यहरूमा लिलामी गर्न सक्छन्। प्ले-टु-अर्न खेल प्रयोगकर्ताहरूले खेल खेल्नको लागि नन-फन्जिबल टोकनहरू (एनएफटीज) को रूपमा गेम टुक्राहरू खरिद गर्नुपर्छ र इन-गेम पुरस्कारहरू कमाउनुपर्छ। विशेष कुरा के हो भने दक्षिण कोरियामा १० हजार कोरियन वन भन्दा भन्दा माथिको पुरस्कारमा प्रतिबन्ध छ।
दक्षिण कोरियाको नियामक ‘गेम म्यानेजमेन्ट कमिटी’ (जीएमसी) ले गेम खेल्नुअघि इन-एप खरिद गर्नुपर्ने गेमलाई रोक लगाउन भनेको छ। जीएमसीले प्ले-टु-अर्न खेल विकासकर्ताहरूलाई गुगल वा एप्पलको एप स्टोरमा आफ्नो काम सूचीबद्ध गर्न असम्भव बनाएको छ।
पछिल्लो कदम दक्षिण कोरिया सरकारले लिएको हो। यस अन्तर्गत, एप बजारमा सीधै प्ले-टु-अर्न खेलहरूको वृद्धिलाई कम गर्ने प्रयास गरिएको छ। दक्षिण कोरियाका खेल विकासकर्ताहरूले घरेलु एप स्टोरमा प्ले-टु-अर्न खेलहरू बेचेकोमा अदालतमा मुद्दा चलिरहेका छन्। मुख्य समस्या यो हो कि केहि खेल एपहरूका लागि एप स्टोरमा दर्ता गर्न आवश्यक उमेर मूल्याङ्कन प्राप्त गर्दैनन्।
यस सम्पूर्ण मामिलामा, एक जीएमसी अधिकारीले भनेअनुसार उनीहरूले सर्वोच्च अदालतको पुरानो निर्णयको पालना गरिरहेका छन्, जस अन्तर्गत एक्जी इन्फिनिटी जस्ता प्ले-टु-अर्न खेलहरूलाई उमेर-मूल्याङ्कन र दर्ता हुनबाट रोकिएको थियो।
द फाइभस्टार्स अफ क्लायेटन प्ले-टु-अर्न खेल र एनएफटी मार्केटप्लेसलाई मूल्याङ्कनको कमीको कारणले घरेलु एप स्टोरमा रोक लगाइएको थियो। जून महिनामा अदालतको फैसलाले उनीहरूले राहत पाएका थिए र खेल सूचीमा परेका थिए।
प्रकाशित: १६ पुष २०७८, शुक्रबार
