काठमाडौं ।
चिनियाँ आर्टिफिसियल इन्टेलिजेन्स स्टार्टअप सेन्सटाइम समूहले अमेरिकाले लगानीको कालोसूचीमा राखेपछि सोमबार आफ्नो ७६ करोड ७० लाख डलर बराबरको हङकङमा प्रारम्भिक सार्वजनिक सेयर निस्कासन (आईपीओ) स्थगित गरेको छ।
सेन्सटाइमले यो प्रस्ताव पूरा गर्न प्रतिबद्ध रहेको र पूरक प्रस्पेक्टस र अपडेट गरिएको सूचीकरण समयतालिका प्रकाशित गर्ने बताएको रोयटर्सले उल्लेख गरेको छ।
आइपीओ प्रक्रिया पुन: सुरु गर्ने उद्देश्यका साथ, अमेरिकी लगानी प्रतिबन्धको सम्भावित प्रभाव समावेश गर्नको लागि प्रस्ताव फिर्ता लिने र यसको प्रोस्पेक्टस अद्यावधिक गर्ने कम्पनीको योजना रहेको छ।
सेन्सटाइमले बुझाएको यसको नियामक फाइलिङ अनुसार ३.८५ देखि ३.९९ हंगकङ डलरको मूल्य दायरामा १.५ अर्ब शेयर बेच्ने योजना बनाएको थियो। यसले ७६.७ करोड डलर सम्म उठाउनेछ, जुन यो वर्षको सुरुमा २ अर्ब डलर उठाउनले लक्ष्यबाट घटाईएको थियो।
कम्पनीले पुन सेयर निस्कासनको प्रकृयाका लागि कदम चाल्ने बताएको छ।
यूएस ट्रेजरीले सेन्सटाइमलाई “चिनियाँ सैन्य-औद्योगिक जटिल कम्पनीहरू” को सूचीमा थप गरेको थियो । कम्पनीले फेसियल रिकोग्निसन कार्यक्रमहरू विकसित गरेको र त्यसलाई विशेष ध्यान दिएर जातीयरुपमा उइगुरहरूलाई पहिचान गर्न प्रयोग गरिएको र जातीय लक्ष्य निर्धारण गर्न सक्ने आरोप लगाउँदै आएको छ।
तर कम्पनीले भने सो आरोप अस्वीकार गर्दै आएको छ।
प्रकाशित: २७ मंसिर २०७८, सोमबार
