काठमाडौं ।
शाओमीको सब-ब्रान्ड रेडमीले फेब्रुअरी २०२२ मा रेडमी के५० (Redmi K50) शृङ्खला लन्च गर्ने जानकारी दिइएको छ। तर रेडमीबाट के ५० लाईनअपको बारेमा धेरै जानकारी सुनेका छैनौं।
रेडमी के५० गेमिङले चीनमा नियामक प्राधिकरणबाट अनुमोदन गरिसकेपछि योजनाअनुसार विकास भइरहेको देखिन्छ।
रेडमी के५० गेमिङ, कथित रूपमा “माटिसे” कोड नाम भएको फोन डाइमेन्सिटी ९००० चिपसेटका साथ आइपुग्ने अफवाह छ। यसले ६४ मेगापिक्सेल ट्रिपल/क्वाड क्यामरा सेटअप वा १०८ मेगापिक्सेल ट्रिपल/क्वाड क्यामरा प्रणालीसहित आउने अनुमान छ।
यसका साथै केही बजारहरूमा पोको एफ४ जीटीको रूपमा लन्च गर्ने पनि भनिएको छ।
रेडमी के५० गेमिङमा क्रमशः डाइमेन्सिटी ७००, स्न्यापड्रागन ८७० र स्न्यापड्रागन ८ जेन १द्वारा संचालित क्रमशः भ्यानिला के५०, के५० प्रो र के५० प्रो प्लसका साथ जोडिने अपेक्षा गरिएको छ।
रेडमी के५० सिरिजमा एमआईयूआई १३ आउट अफ बक्स हुन सक्ने आशा गरिएको छ र केही मोडेलहरूले इन-डिस्प्ले फिंगरप्रिन्ट रिडरलाई फिर्ता ल्याउँछन्। यसबाहेक, त्यहाँ के५० लाइनअप १०० वाट चार्जिङ र आईपी६८ धुलो र पानी प्रतिरोधको साथ आउने अफवाहहरू पनि छन्। एजेन्सीहरु
प्रकाशित: २६ मंसिर २०७८, आईतवार
