काठमाडौं ।
अमेरिकी संघीय उड्डयन प्रशासन (एफएए)ले मंगलबार एउटा नयाँ नियम घोषणा गरेको छ, जसले हवाईजहाजका पाइलटहरूलाई कम उचाइमा स्वत: अवतरण र अन्य निश्चित उडान प्रणालीहरू प्रयोग गर्न निषेध गर्दछ जहाँ फाइभजी वायरलेस सिग्नलहरूले जहाज र जमिनबिचको दूरी मापन गर्ने जहाज भित्र भएका उपकरणहरूमा असर र प्रभावित गर्नसक्छ।
यो नियमले ६,८०० भन्दा बढी अमेरिकी हवाइजहाज र दर्जनौं विमान निर्माताहरूलाई असर गर्छ ।
“यसका साथै लो भिजिबिलिटी भएको अवस्थाहरू समावेश गर्ने केही उडान मार्गहरूमा अवरोधहरू निम्त्याउन सक्छ जहाँ पाइलटहरूले सामान्यतया सुरक्षित रूपमा अवतरण गर्न रेडियो अल्टिमिटर भनिने उपकरणहरूमा भर पर्नुपर्छ,” एफएएले भन्यो।
“त्यहाँ एक सम्भावित जोखिम छ,” एफएएले भन्यो, “५जी संकेतहरूले त्रुटिपूर्ण रिडिङ्गहरू निम्त्याउन सक्छ जसले यी अवस्थाहरूमा उडान असुरक्षित बनाउन सक्छ।”
मंगलबार, एजेन्सीले लगभग समान नियम जारी गरेको थियो जसले १,८०० भन्दा बढी अमेरिकी हेलिकप्टरहरूलाई प्रभावित गर्दछ। एफएएले यसलाई आकस्मिक निर्णयअन्तरगत लागू गरेको बताएको छ।
एफएएले भविष्यमा थप विशिष्ट आदेशहरू जारी गर्ने योजना बनाएको छ जसले कुन एयरपोर्टहरू प्रतिबन्धबाट प्रभावित हुनेछ भनेर पहिचान गर्ने बताएको छ। प्रभावित एयरपोर्टहरूको सूची एयरपोर्टहरूको नजिकै रहेका सी-ब्यान्ड एन्टेनाहरू जडान गरिएका वायरलेस उद्योग डाटामा भर पर्नेछ।
दूरसञ्चार सेवा प्रदायकहरूले जनवरी ५ मा अमेरिका भर ५जी वायरलेस सेवाहरूको दायरामा स्विच गर्ने योजना बनाएका बेला यो निर्णय आएको हो। क्यारियरहरूले फाइभजीलाई अर्को पुस्ताको मोबाइल डाटा सेवाको रूपमा वर्णन गरेका छन् जसले छिटो गति र कम विलम्बतालाई समर्थन गर्न सक्छ, थप स्मार्ट उपकरणहरू र नेटवर्क संचारहरुलाई व्यापक रूपमा अपनाउन सक्षम बनाउँछ।
जनवरीमा लन्च गरिने फाइभजी सेवाद्वारा प्रयोग गरिने एयरवेभहरूले रेडियो फ्रिक्वेन्सी स्पेक्ट्रमको एक भागलाई कभर गर्दछ जसलाई सी ब्याण्ड (C-Band) भनिन्छ, यो ब्याण्ड रेडियो अल्टिमिटरहरूद्वारा विमानको उचाइ नाप्न प्रयोग गरिने वायु तरंगहरूका साथ पनि उपयोग हुन्छ।
वायरलेस उद्योगले सुरुमा डिसेम्बरमा फाइभजी एन्टेनाहरू स्विच अन गर्ने योजना बनाएको थियो, तर सम्भावित हस्तक्षेपको बारेमा एयरलाइन उद्योगको गुनासोहरूको सामना गर्दै एक महिनाको लागि रोलआउट स्थगित गर्न सहमत भयो। सीएनएन
प्रकाशित: २४ मंसिर २०७८, शुक्रबार
