काठमाडौं ।
गर्मीमा, रेशम कपडाले तपाईंलाई कपास भन्दा चिसो राख्छ। वैज्ञानिकहरूले रेशमको यस्तो कपडा तयार गरेका छन्, जसले सूती कपडाको तुलनामा १२.५ डिग्री सेल्सियसले तापक्रम घटाउँछ। त्यसैले यो कपडाले तपाईंलाई गर्मीबाट राहत दिनेछ।
यो कपडा चीनको नान्जिङ विश्वविद्यालयका अनुसन्धानकर्ता र स्ट्यानफोर्ड विश्वविद्यालयका शान्हुई फ्यानले संयुक्तरुपमा तयार पारेका हुन् । गर्मीको मौसममा बाहिर निस्कँदा शरीरलाई चिसो राख्ने गरी यो कपडा डिजाइन गरिएको अनुसन्धानकर्ताहरूले बताएका छन्।
मानिसले आफूलाई चिसो राख्न विश्वभरि १५ प्रतिशत बिजुली प्रयोग गर्छन्। तर नयाँ कपडाको सहयोगले बिजुलीको माग केही हदसम्म कम गर्न सकिन्छ र यसले बिजुली बिना शरीरलाई चिसो राख्न मद्दत गर्नेछ।
शोधकर्ताहरूका अनुसार सामान्यतया रेशमले सूर्यको किरणलाई प्रतिबिम्बित गर्छ। यो गुणलाई ध्यानमा राखेर, रेशमलाई सूर्यको किरणको ९५ प्रतिशतसम्म प्रतिबिम्बित गर्न सक्ने कपडा बनाउन परिमार्जन गरिएको थियो।
अनुसन्धानका अनुसार कपडाले जति धेरै सूर्यको किरणलाई प्रतिबिम्बित गर्छ र कम भन्दा कम सोस्छ त्यसले शरीरलाई सूर्यको किरणको प्रभावबाट बचाउँछ र चिसो राख्छ।
यो कपडा घाममा परिक्षण गर्दा वरपरको हावा भन्दा ३.५ प्रतिशत चिसो रहेको पत्ता लाग्यो। अन्वेषकहरूले भने, “यो संसारको पहिलो यस्तो कपडा हो जुन हावा भन्दा चिसो छ।”
अनुसन्धान रिपोर्टकाअनुसार यस कपडामा एल्युमिनियम अक्साइडको नानो पार्टिकल्स मिसाइएको छ । तसर्थ, यसले इन्फ्रारेड, दृश्य र पराबैगनी किरणहरू प्रतिबिम्बित गर्दछ र तिनीहरूलाई शरीरबाट टाढा राख्छ। एजेन्सीहरुका साथ
प्रकाशित: १७ मंसिर २०७८, शुक्रबार
