काठमाडौं ।
एप्पलले सुरक्षामा झोला जाँच (सेक्यूरिटी ब्याग चेक) को सामना गर्न बाध्य पारिएको भन्दै कर्मचारीहरूबाट दायर गरिएको मुद्दा मिलाउन ३ करोड डलर तिर्न सहमत भएको छ।
यो मुद्दाको विषय ८ वर्ष पछि आएको हो र यस्तो किसिमको चार मुद्दा मध्ये एक हो, जुन पहिलो पटक २०१३ मा एप्पल विरुद्ध कर्मचारीहरुद्वारा दायर गरिएको थियो। एप्पलले २०१५ मा विवादास्पद झोला जाँच नीति बन्द गरेको थियो।
यो एप्पलको लागि लामो समयदेखि चलिरहेको केस हो। एप्पलका खुद्रा कामदारहरूले २०१३ मा एप्पल विरुद्ध क्लास-एक्शन मद्दा दायर गरेका थिए। उनीहरूले आफ्नो झोला, पर्स, ब्याकप्याक, ब्रीफ केसहरू, र व्यक्तिगत एप्पल डिभाइसहरूको सर्च गर्नका लागि कार्यालयबाट प्रस्थान गर्नु अघि पेश गर्न आवश्यक थियो।
मुद्दामा, कर्मचारीहरूले कहिलेकाहीँ यो सर्च पूरा गर्नको लागि आफ्नो शिफ्टपछि पनि उनीहरुले ४५ मिनेटसम्म पर्खनुपर्ने भएको र उनीहरूलाई त्यो समयको लागि भुक्तानी नगरिएको आरोप लगाएका थिए।
कर्मचारीहरूले उत्पादनहरू चोरी नगरेको सुनिश्चित गर्न खोजहरू आवश्यक भएको एप्पलले दाबी गर्यो। टिम कुक धेरै हदसम्म यो नीति बारे अनजान भएको विशेष रूपमा, मुद्दाले पत्ता लगाएको थियो । जब दुई कर्मचारीहरूले कुकलाई यस विषयको बारेमा सीधै गुनासो गरे, उनले आफ्नो मानव संसाधन अधिकारीहरूलाई ईमेल पठाएर सोधे, “के यो सत्य हो?”
क्यालिफोर्नियाका न्यायाधीशले सन् २०१५ मा क्लास-एक्शन मुद्दा खारेज गरेका थिए तर त्यो निर्णयमा फेरी अपील गरियो। संयुक्त राज्य अमेरिकाको नवौं सर्किट कोर्ट अफ अपीलले त्यसपछि क्यालिफोर्नियाको सर्वोच्च अदालतलाई कानून स्पष्ट गर्न भन्यो। २०२० को फेब्रुअरीमा, क्यालिफोर्नियाको सर्वोच्च अदालतले एप्पलले सो समयको आफ्नो रिटेल कामहरूका लागि रकम तिर्नुपर्ने फैसला गर्यो।
ब्लूमबर्ग द्वारा रिपोर्ट गरे अनुसार, एप्पलले क्यालिफोर्नियामा यो नीति लागू भएको स्टोरहरूमा कर्मचारीहरूलाई २ करोड ९९ लाख डलर तिर्न सहमत भएको छ। यो सम्झौता अब अमेरिकी जिल्ला अदालतका न्यायाधीशद्वारा अनुमोदित हुनुपर्नेछ।
कोर्टहाउस न्यूजका अनुसार मुद्दाको वर्गमा क्यालिफोर्नियामा १२ हजार वर्तमान र पूर्व एप्पल स्टोर कर्मचारीहरू समावेश छन्। जसअनुसार कर्मचारीहरूले प्रतिव्यक्ति अधिकतम १,२०० अमेरिकी डलर प्राप्त गर्ने छन्।
प्रकाशित: २९ कार्तिक २०७८, सोमबार
