काठमाडौं ।
नासाले सार्वजनिक गरेको एउटा नयाँ अध्ययनले चन्द्रमामा वाईफाई सञ्जाल निर्माण गर्ने सम्भावनालाई ध्यानमा राखेको छ।
यो अमेरिकाको विभिन्न भागहरुमा अपर्याप्त इन्टरनेटको उपयोगको सम्बोधन र भविष्यमा आर्टेमिस मिशनमा सूचित गर्नको लागी एक प्रयासका रुपमा आउने बिजनेस इन्साइडरले उल्लेख गरेको छ।
नासाको ग्लेन रिसर्च सेन्टरमा टेक्नोलोजी इन्क्युबेशन र इनोभेसनकी निर्देशक मेरी लोबोले एक प्रेस विज्ञप्तिमा भनिन् “यसले आर्टेमिस अन्तर्गत चन्द्रमामा अन्तरिक्ष यात्री पठाउने चुनौतिहरुको समाधानको विकास गर्ने ठूलो अवसर प्रदान गरेको छ यसका साथसाथै हाम्रो गृहनगर देखिएको सामाजिक मुद्दालाई समेत सम्बोधन गर्नेछ।”
आर्टेमिस कार्यक्रम, जुन गत बर्ष अनावरण गरिएको थियो, यसको उद्देश्य १९७२ पछि पहिलो पटक मानिसहरुलाई चन्द्रमामा पुर्याउने र फिर्ता ल्याउने हो। यसको योजना २०२१ मा चन्द्रमाको वरिपरि एउटा मानवरहित मिशन प्रक्षेपण गर्ने छ, त्यसपछि २०२३ मा एक चालक दलसहितको चन्द्रमाको वरिपरी उडान गर्नेछ भने त्यसपछि २०२४ मा चन्द्रमामा मानवसहितको यान अवतरण गर्नेछ।
“नासाको कम्पास ल्याबले गरेको यो अध्ययन महत्वपूर्ण छ किनकी “चालक दल, रोभर, विज्ञान उपकरण, र माइनिङ्ग उपकरण, एक चन्द्र/आर्टेमिस बेसक्याम्प र अन्ततः पृथ्वीमा फिर्ता हुनका लागि विश्वसनीय संचार लिंकको आवश्यकता पर्दछ,” कम्पास ल्याबका नासा ग्लेनमा नेतृत्व गरिरहेका स्टीभ ओलेसनले भने।
नासाले प्रेस विज्ञप्तिमा रिपोर्ट गरेअनुसार डिजिटल असमानता र पर्याप्त इन्टरनेट सेवाको उपयोगको कमी अमेरिकाभर एक सामाजिक आर्थिक चिन्ता हो, जो कोभिड १९ महामारीद्वारा बिग्रिएको छ।
चन्द्रमामा यस्तो नेटवर्क कस्तो देखिन्छ भनेर आकलन गर्नको लागी, नासाको ग्लेन रिसर्च सेन्टरमा कम्पास टीमले अमेरिकाको क्लीभल्याण्डमा एक स्थलीय नेटवर्कले कसरी काम गर्न सक्छ भनेर मूल्यांकन गरेको थियो।
उनीहरुको अध्ययनले स्थानीय क्षेत्रमा वाईफाई कनेक्टिभिटीसंग सम्बन्धित प्राविधिक चुनौतिहरुलाई सम्बोधन गर्न क्लीभल्याण्ड वरपर एक क्षेत्रलाई एक चन्द्र सतह क्षेत्रसँग तुलना गरेका थिए। तर यसमा उपकरणहरु पृथ्वी र चन्द्रमा वातावरणको कारण फरक हुनेछन भने वाईफाई फ्रिक्वेन्सीहरु जस्तो उनीहरु पृथ्वीमा छन्, उस्तै हुन सक्छन् ।
ईन्जिनियरहरुले पत्ता लगाए कि क्लीभल्याण्डमा लगभग २०,००० ल्याम्पपोस्ट वा अन्य उपयोगिता पोलहरुमा वाईफाई राउटर संलग्न गरेको खण्डमा कुनै पनि छिमेकको हरेक घरमा इन्टरनेट पहुँच प्रदान गर्न सक्दछ।
राउटरहरु १०० गज भन्दा टाढा राख्दा चार व्यक्ति भएको घरमा लगभग ७.५ मेगाबाइट प्रति सेकेन्ड डाउनलोड गति प्राप्त गर्न सक्दछ।
प्रकाशित: १ कार्तिक २०७८, सोमबार
