काठमाडौं ।
डिजिटल कार्गो सेवा प्रदायक उपाय सिटी कार्गोले डोल्मा इम्प्याक्ट फण्डबाट थप लगानी सुनिश्चित गरेको छ।
पछिल्लो दिनमा काठमाडौंमा मोटरसाइकलबाट समेत ढुवानी सेवा शुरु गरेको उपाय सिटी कार्गोले डोल्मा इम्प्याट फण्ड दोस्रोबाट करिब १६ लाख अमेरिकी डलर अर्थात आजको मूल्यमा करिब १८ करोड ८६ लाख रुपैयाँ लगानी जुटाएको हो । सो रकम कम्पनीले उपायमा शेयरको रुपमा लगानी गर्ने बताएको छ।
फण्डले हालै सो बारेमा ट्वीट गरेर थप लगानी गर्न सहमत भएको जनाएको छ। डोल्माकाअनुसार डोल्मा इम्प्याट फण्ड दोस्रोबाट उपायमा गरीएको यो पहिलो लगानी हो ।
Announcing the first deal of Dolma Impact Fund II in @upayacitycargo, an intra-city logistic-tech marketplace. Dolma II signed Shareholders Agreement to commit USD 1.6 MN. Dolma sees great scalable and impactful opportunities in the digital economy of Nepal. pic.twitter.com/eaROTXpHyc
— Dolma Impact Fund (@DolmaImpact) September 16, 2021
डोल्माले नेपालमा डिजिटल अर्थतन्त्रको प्रचुर विकास र बिस्तारको संभावना देखेको उल्लेख गरेको छ।
उपाय सिटीकार्गोले प्रचलित बजार दरको तुलनामा कम मूल्य र छिटो ढुवानी सेवाका लागि ड्राइभर र दुई पाङ्ग्रे राइडर-साझेदारहरूको ठूलो सञ्जालका साथै सुविधाजनक मोबाइल ट्र्याकिङ र कर बीजकको व्यवस्था समेत गर्ने गरेको बताउँदै आएको छ।
प्रकाशित: ३१ भाद्र २०७८, बिहीबार
