एमजी मोटर इन्डिया र जियोबीच इन्टरनेट अफ थिङ्स स्पेसका लागि साझेदारी

काठमाडौं ।

एमजी मोटर इन्डियाले गत मंगलबार डिजिटल सेवा प्रदायक जियोसँग इन्टरनेट अफ थिङ्स आईओटी सम्बन्धमा साझेदारी गरेको घोषणा गरेको छ।

कार निर्माता कम्पनी एमजीले आफ्नो आगामी मध्यम आकारको एसयूभीमा जियोको आईओटी सोलुशन इनेबल गरिएको आईटी सिस्टम प्रयोग गर्नेछ।

दुवै कम्पनीले संयुक्त विज्ञप्ति निकालेर आफूहरुबीचको साझेदारीले नयाँ जमानाको मोबिलिटी सोल्यूशनलाई इनेबल गर्ने, भविष्यको मोबिलिटी एप्लिकेशन बनाउन तथा आश्चर्यजनक अनुभवलाई सुविधाजनक बनाउनका लागि मार्की कार निर्माताहरुलाई उत्साहित बनाउने बताएका छन्।

भारतको सबैभन्दा ठूलो एकीकृत दूरसञ्चार सेवा प्रदायक जियोले उपभोक्ता तथा उद्यम सेवाको श्रृंखला प्रदान गर्ने उद्देश्यले डिज़ाइन गरेका अटोमोटिभ सोल्यूशनलाई सपोर्ट गर्नेछ। 

एमजीको आउँदै गरेको मिड-साइज़ एसयूभीमा ग्राहकले ठूलो शहरमा मात्र नभइ साना शहर तथा ग्रामीण क्षेत्रमा पनि उच्च गुणस्तरको कनेक्टिभिटीका प्राप्त गर्ने कम्पनीको दावी छ।

‘जियोको नयाँ जमानाको कनेक्टेड भेहिकल सोल्यूशन, सफ्टवेयर तथा कनेक्टिभिटीको एउटा संयोजन हो जसले यूजरलाई गाडी चलाउँदा ट्रेन्डिङ इन्फोटेन्मेन्ट तथा रियल-टाइम टेलिम्याटिक्ससम्म पुग्न सक्षम बनाउँछ’, संयुक्त विज्ञप्तिमा भनिएको छ।

एमजी मोटर इन्डियाका अध्यक्ष तथा प्रबन्ध निर्देशक राजीव चाबाले प्रविधि नवप्रवर्तनले अटोमोबाइल उद्योगमा कनेक्टेड कार स्पेसको नेतृत्व गरिरहेका बताएका छन्।