इन्टेलस्याटका अधिकांश ऋणीहरुद्धारा दिवालियापनबाट निस्कने योजना पारित

काठमाडौं ।

स्याटेलाइट सञ्चालन गर्ने कम्पनी इन्टेलस्याटले यस बर्षको अन्त्यमा च्याप्टर ११ दिवालियापन अर्थात टाट पल्टिने सुरक्षाबाट बाहिर निस्कने आफ्नो पुनर्संरचना योजनामा ​​संशोधन गरेको छ। कम्पनीले आफ्नो ऋणको लगभग ७५ प्रतिशत ऋणीहरुको समर्थन सुरक्षित गरीरहेको छ।

स्याटेलाइट (भूउपग्रह) अपरेटरले फेब्रुअरी १२ मा घोषणा गरेको योजना अनुसार, पुनर्गठनले यसको ऋण आधा भन्दा बढी अर्थात १५ अर्ब अमेरिकी डलरबाट ७ अर्ब डलरसम्म घटाउनेछ।

यदपी, यदि यो नयाँ योजनाको माध्यम बाट गएको खण्डमा इंटेलस्याट अब एक सार्वजनिक व्यापारिक कम्पनीको रूपमा आउनेछैन्। पुरानो योजना अन्तर्गत, इंटेलस्याटले ९५ प्रतिशत शेयरहरुका साथमा नयाँ शेयर जारी गर्ने थियो जुन सहायक इन्टेलस्याट ज्याक्सनको असुरक्षित ऋणदाताहरुलाई दिइनेछ।

इन्टेलस्याटले अगस्ट २४ बताएअनुसार यसको ११ अर्ब ऋणीहरुले संशोधित योजनाको समर्थन गर्दछन्। जब कम्पनीले फेब्रुअरीमा मूल योजनाको घोषणा गरेको थियो त्यसबेला यसले केवल ३.८ अर्ब डलर ऋणीहरुको स्वीकृति पाएको थियो।

“संशोधित योजनाले प्रदान गरेअनुसार इंटेलस्याट एक निजी कम्पनीको रूपमा उदय हुनेछ, नयाँ शेयर मालिकहरुको समर्थनका साथ, आफ्नो रणनीतिक उद्देश्यहरुलाई राम्रोसंग अगाडी बढाउन र यसको वृद्धिको गति तिब्र गर्नको लागी । अर्को पाँच बर्षमा सार्वजनिक कम्पनीको रूपमा कारोबार गर्नेगरि कदम चाल्नेछ।” इन्टेलस्याटले भन्यो।

इन्टेलस्याटले संशोधित योजनाको लागी भर्जिनियाको पूर्वी जिल्लाको अमेरिकी ब्यांकरप्सी कोर्टबाट अनुमोदन खोजिरहेको छ।

योजना को लागी अनुमोदन प्रक्रिया स्याटेलाइट अपरेटर एसईएसबाट कम्पनीको बिरुद्ध कानूनी कारबाहीको नतिजामा निर्भर हुनेछैन, जो इंटेलस्याटको सबैभन्दा ठूलो ऋणदाता मध्ये एक हो।

संयुक्त राज्य अमेरिका मा सी-ब्यान्ड स्पेक्ट्रम खाली गर्नको लागी समान रूपमा विभाजित आयको लागी एसईएसको गठन गरीएको गठबन्धनबाट इंटेलस्याट निक्लिएपछि एसईएसले कम्तीमा १.८ अर्ब डलर क्षतिपूर्ति माग गरेको छ।

तर इंटेलस्याटको तर्क छ कि सम्झौता त्यसबेला अमान्य भयो जब सी-ब्यान्ड एलायन्स सदस्यहरुद्वारा प्रबन्धित प्रक्रिया को सट्टा संघीय संचार आयोगले स्पेक्ट्रमलाई लिलामीमा राख्ने निर्णय गरीयो।

भर्जीनियाको एक अदालतमा सी-ब्यान्ड विवादमा एक बन्द सुनवाई, सेप्टेम्बर २० बाट शुरू हुनेछ।

यदि एसईएसले मुद्धा जितेको खण्डमा इन्टेलस्याटले आफ्नो पुनर्गठन योजना फेरी संशोधन गर्न र ऋणीको अनुमोदन खोज्नु पर्ने हुन्छ। एजेन्सी