गुगलले प्लेस्टोरबाट हटायो यी निकै खतरनाक एप, तपाईँको डिभाइसमा छ भने हटाइहाल्नुस्!

काठमाडौं ।

गुगलले प्ले स्टोरबाट ८ ओटा खतरनाक मानिएका एपहरु हटाइदिएको छ। यी एपहरु क्रिप्टोकरेन्सीज माइनिङ एपका रुपमा चिनिएका थिए।

यी एपहरुमार्फत् द्वारा यूज़रहरुलाई क्लाउड-माइनिङ अपरेशनमा पैसा लगानी गरेर धेरै नाफा कमाइने खालका मेसेजहरु दिने गरेको बुझिएको छ।

केही समययता क्रिप्टोकरेन्सी माइनिङले धेरैको ध्यान तानिरहेको छ। ह्याकरहरु पनि सर्वसाधारणको यही चाखको दुरुपयोग क्रिप्टोकरेन्सीमा गरिरहेका छन्।

यसमार्फत् सर्वसाधारणको स्मार्टफोनमा खतरनाक मालवेयर तथा एडवेयर भएका एपहरु इन्स्टल गर्न प्रेरित गर्न सकियोस् भन्ने उद्देश् राखिरहेका पाइएको छ।

तर पछिल्लो समय भने गुगलले यस्ता मालवेयर तथा एडवेयर भएका एपहरुको पहिचान गरेर प्लेस्टोरबाट हटाइदिएको हो। हालै गुगलले प्ले स्टोरबाट ८ ओटा खतरनाक एपहरु हटाइदिएको हो।

सुरक्षा संस्था ट्रेन्ड माइक्रोको एक रिपोर्ट अनुसार यी खतरनाक ८ एपहरुले भारतमा यूज़रहरुलाई विज्ञापन हेर्न लगाएर उनीहरुबाट १ हजार रुपैयाँभन्दा बढी मासिक रुपमा क्रिप्टो माइनिङको क्षमता बढाउन भन्दै काट्ने गरेको पाइएको छ।

कम्पनीको निष्कर्ष अनुसार गुगलले ती एपहरु हटाएको हो। तर प्लेस्टोरबाट हटे पनि तपाईँको फोनमा यी एप पहिले नै इन्स्टल भएको हुन सक्छ। यदि रहेछ भने तुरुन्तै हटाउनु बुद्धिमानी हुने देखिन्छ।

यी हुन् गुगलले हटाएको र तपाईँ हामीले आफ्ना स्मार्टफोनबाट तुरुन्तै हटाउनुपर्ने ८ एप

१. बिट फन्ड्स – क्रिप्टो क्लाउड माइनिङ
२. बिटक्वाइन माइनर – क्लाउड माइनिङ
३. बिटक्वाइन (बीटीसी) – पूल माइनिङ क्लाउड वालेट
४. क्रिप्टो होलिक – बिटक्वाइन क्लाउड माइनिङ

५. डेली बिटक्वाइन रिवार्ड्स – क्लाउडमा आधारित माइनिङ सिस्टम

६. बिटक्वाइन २०२१

७.माइनबिट प्रो – क्रिप्टो क्लाउड माइनिङ एन्ड बीटीसी माइनर

८.इथेरियम (ईटीएच) – पूल माइनिङ

एजेन्सीका साथमा