भारतीय अपरेटर एयरटेलले जियोलाई १,००० करोड भारुमा दियो स्पेक्ट्रम उपयोग अधिकार

काठमाडौं ।

भारतमा टेलिकम सेवा दिईरहेको कम्पनी भारती एयरटेल लिमिटेडले शुक्रवार उसले प्रतिद्वन्द्वी रिलायन्स जियो इन्फोकम लिमिटेडसंग तीन वटा सर्कलमा एयरटेलको ८०० मेगाहर्ज स्पेक्ट्रमको ‘राइट टू यूज’ लाई जियोलाई हस्तान्तरण गरेको बताएको छ। स्पेक्ट्रमको लागी आफ्नो सम्झौता सम्पन्न गरेको छ।

एयरटेलले प्रस्तावित स्थानान्तरणको लागी जियोबाट भारु १,००४.८ करोड (कर बाहेकको रकम) प्राप्त गरेको छ। यसको अतिरिक्त, जियोले स्पेक्ट्रमसंग सम्बन्धित भारु ४६९.३ करोडको भविष्यमा भुक्तानी दायित्वसमेत ग्रहण गर्नेछ।

दुई प्रतिद्वन्द्वीहरु बीच पहिलो पटक यस्तो स्पेक्ट्रम बिक्री व्यापार भएको हो जून अप्रिलमा घोषणा गरिएको थियो। आन्ध्र प्रदेश, दिल्ली र मुम्बईमा स्पेक्ट्रम को बिक्रीले दुबै टेलिकम कम्पनीहरुलाई लाभ हुने अपेक्षा गरिएको छ।

यो सम्झौताले जियोलाई तीन प्रमुख सर्कलमा क्षमता निर्माण गर्न मद्दत पुर्‍याउँछ र कुल लागतको ५० प्रतिशत बचाउँछ,अन्यथा सरकारी लिलामीमा एयरवेभ किन्नुपर्ने हुन्छ। गत मार्चमा सम्पन्न लिलामीमा जियोले स्पेक्ट्रम किन्न सक्थ्यो, जहाँ दूरसञ्चार विभाग (डीओटी) ले पर्याप्त ८०० मेगाहर्ज ब्यान्ड राखेको थियो तर कम्पनीले रोजेन।

“स्पेक्ट्रम प्रयोगको अधिकारसहितको कारोबारबाट कम्पनीसँग मुम्बई सर्कलमा १५ मेगाहर्ज र आन्ध्र प्रदेश सर्कलमा १० मेगाहर्ज फ्रिक्वेन्सी ८०० मेगाहर्ज ब्याण्डमा हुनेछ। जसले ग्राहकहरुको लागि नेटवर्क अनुभव सुधार गर्न मद्धत गर्दछ,” कम्पनीले एक विज्ञप्तीमा भनेको छ।

एयरटेलका लागि यो बिक्रीबाट उपयोग बिहिन स्पेक्ट्रमको मूल्य हासिल भएको छ । यो स्पेक्ट्रम यसअघि टाटा टेलिसर्भिसेल लिमिटेडलाई अधिग्रहण गर्दा एयरटेलले पाएको थियो । कम्पनीले आफ्नो फोरजी नेटवर्क ९०० मेगाहर्ज ब्याण्डमा निर्माण र बिस्तार गरिरहेको थियो । एजेन्सी