काठमाडौं ।
स्पेसएक्सले आफ्नो पूर्णरुपमा पुन: प्रयोग गर्न मिल्ने स्टारशिप प्रक्षेपण प्रणालीमा अर्को कोशेढुंगा प्राप्त गरेको छ। कम्पनीले हालै २९ ओटा र्याप्टर रकेटयुक्त सुपर हेभी बूस्टरमाथि स्टारशिप अन्तरिक्षयान राखेर पठाउने भएको छ। उक्त स्टारशिपमा पनि ६ ओटा रकेटहरु राखिएका छन्।
प्रक्षेपणका लागि तयारी हालतमा राखिएको उक्त अन्तरिक्षयान अहिले इतिहासमै सबैभन्दा अग्लो एसेम्बल गरिएको रकेट बन्न पुगेको छ।
यो काम दक्षिण टेक्सासमा रहेको स्पेसएक्सको डेभलपमेन्ट साइटमा गरिएको हो। दुई ओटा स्टारशिपका सिस्टमलाई एउटैमा जोड्न लागिएकाले यसलाई निकै महत्वका साथ हेरिएको छ।
यो कन्फिगरेशन आगामी स्टारशिप प्रोटोटाइप प्रक्षेपणको परीक्षणका लागि प्रयोग गरिनेछ भने यो रकेट अन्तरिक्षको अक्षसम्म पुग्नेछ।
यो सबैलाई एकै ठाउँमा मिलाउँदा यो सिस्टमको उचाइ ४०० फीट पुगेको छ भने यो प्रक्षेपण गर्ने स्ट्यान्डमा राख्दा ४७५ फीट अग्लो हुने भएको छ। यो गिजामा रहेको ग्रेट पिरामिडभन्दा पनि अग्लो बनेको छ।
यस अन्तरिक्ष यानको दुई खण्डहरु मध्ये एक माथिल्लो स्टेज स्टारशिप भनिन्छ र अर्को तल राखिने भागलाई बूस्टर सुपर हेभी भनिन्छ । यो टेक्सासको बोका चिका भन्ने स्थानमा फर्मको स्टारबेस अनुसन्धान तथा विकास फ्यासिलिटीमा एक साथ जोडिएको थियो।
जब यो भेहिकलले उडान भर्नेछ, यसले चन्द्रमामा मानिसहरु पठाउने सवारी साधनहरुको लगभग दोब्बर शक्ति उत्पादन गर्दछ।
अपोलोको प्रसिद्ध श्याटर्न भी रकेटमा मुख्य इन्जिनले करिब ३५ मेगान्यूटन्स (लगभग ८ करोड पाउण्डको शक्ति) लन्च प्याडबाट उडान भर्दा निस्कासन गरेको थियो। नयाँ स्पेसएक्स सुपर हेभीले लगभग ७० मेगान्यूटन्स हासिल गर्नुपर्छ।
दुई खण्डहरुसँगै जोड्नको लागी एक विशाल क्रेनको आवश्यकता भएको थियो। उनीहरुलाई एक घन्टाको लागी स्थितिमा राखिएको थियो र त्यसपछि फेरि अलग गरीयो। एजेन्सी
प्रकाशित: २३ श्रावण २०७८, शनिबार
