काठमाडौं ।
चिप अभाव संसारभर देखिँदैछ र त्यसको असर हरेक क्षेत्रमा परेकोछ । विशेषगरि अटो क्षेत्रमा यसले निकै दिर्घकालिन असर पार्ने देखिन्छ । हालै छिमेकी देश भारतमा मारुति सुजुकीले चिपको अभावका कारण आफ्नो गुजरात प्लान्टमा उत्पादन घटाउने घोषणा गरेको छ। यो प्लान्ट गुजरात राज्यको अहमदाबाद शहरमा स्थित छ।
सुजुकी मोटर गुजरात, जापानको सुजुकी मोटर कर्पोरेसनको एक सहायक कम्पनी हो । यसले मारुती सुजुकीलाई कारहरु आपूर्ति गर्दछ। कम्पनीले प्लान्टमा केहि उत्पादन लाइनहरुमा एकल शिफ्टमा उत्पादन गर्ने निर्णय गरेको छ। साथै, कम्पनीले यस महिनाको तीन शनिवार (७, १४ र २१ अगस्त) मा उत्पादन बन्द गर्ने भएको छ।
कम्पनीले दैनिक आधारमा निर्णय गर्ने
मारुती सुजुकीले कम्पनीको स्थिति दैनिक अनुगमन गरिरहेको बताएको छ। कम्पनी संसाधनहरुको अधिकतम उपयोग गर्नको लागी र मोडेल, उत्पादन लाइन वा शिफ्टमा दैनिक आधारमा निर्णय गर्नेछ। सुजुकी कर्पोरेशनले मार्च २०१४ मा सुजुकी मोटर गुजरात शुरू गरेको थियो।
अर्धचालक इलेक्ट्रोनिक उपकरणहरुमा प्रयोग गरिन्छ
सेमीकण्डक्टर (अर्धचालक) एक सिलिकन चिप हो। यस्ता चीपहरु धेरै अन्य इलेक्ट्रोनिक यन्त्रहरु, वाहनहरु, कम्प्यूटर र सेलफोनमा प्रयोग गरीन्छ। यसले नियन्त्रण र मेमोरी प्रकार्यसंग सम्बन्धित कार्य डिभाइसहरुमा राम्रोसँग गर्छन्।
पछिल्ला केहि महिनाहरुमा, अटोमोबाइल उद्योगमा अर्धचालकको उपयोग विश्वभर वृद्धि भएको छ, नयाँ मोडेलहरु ब्लुटुथ कनेक्टिभिटी, नेभिगेसन र हाइब्रिड बिजुली प्रणाली जस्तै इलेक्ट्रोनिक सेवाहरुका साथमा सुसज्जित भएर आउँछ।
उद्योग विशेषज्ञहरुकाअनुसार पछिल्लो केहि महिनाहरुमा, अटो क्षेत्रमा बढ्दो मागको कारण विश्वव्यापी आपूर्तिमा दबाब परेको छ, जसले यसको अभाव बढाएको छ। भारतमा सुजुकीको उत्पादन क्षमता ७.५ लाख युनिट छ र यसले जे उत्पादन गर्दछ त्यो मारुती सुजुकी भारतलाई आपूर्ति गर्दछ । एजेन्सी
प्रकाशित: २२ श्रावण २०७८, शुक्रबार
