Technology Khabar २१ श्रावण २०७८, बिहीबार
काठमाडौं ।
चिनियाँ कम्पनी लेनोभोले छिट्टै ट्याब पी१२ नामको फ्ल्यागशिप ट्याब्लेट ल्याउने भएको छ।
हालै गुगल प्ले कन्सोलमा देखा परेको जानकारी र स्रोतहरुका अनुसार यो ट्याब्लेटमा क्वालकमको शक्तिशाली स्न्यापड्रागन ८५५ चिपसेट रहने बुझिएको छ।
यो ट्याब्लेटको कोडनेम टीबी-क्यू७०६एफ रहेको छ भने यसमा २४० पीपीआई पिक्सेल डेन्सिटी र १६००x२५६० पिक्सेल रेजोल्युशन सहितको टचस्क्रीन डिस्प्ले रहने बुझिएको छ। प्यानलको साइजबारे अहिलेसम्म नखुलाइए पनि यो लगभग ११.५ इन्चको हुनसक्ने आकलन गरिएको छ।
यसबाहेक यसमा स्न्यापड्रागन ८५५ प्रोसेसर चिपसेट रहने यो चिपमा १.८० देखि २.८४ गिगाहर्जसम्म क्लक हुने क्रेयो ४८५ कम्प्युटिङ कोर रहने बुझिएको छ। साथै यसमा एड्रिनो ६४० ग्राफिक्स एक्सलरेटर तथा एउटा स्न्यापड्रागन एक्स२४ एलटीई फोरजी मोडम पनि रहनेछ।
शक्तिशाली चिपसेट र त्यसै अनुरुपको डिस्प्ले भएको यो डिभाइसमा ८ जीबी र्याम रहनेछ भने एन्ड्रोइड ११ अपरेटिङ सिस्टमसहित आउनेछ।
यसमा अगाडि पछाडि दुवै तिर क्यामरा हुने भए पनि त्यसका बारेमा केही विवरण उल्लेख गरिएको छैन।
यसको आधिकारिक सार्वजनिक हुन अझै केही महिना लाग्न सक्ने आकलन गरिएको छ भने यसको मूल्य तथा रंगका बारेमा जानकारी दिइएको छैन।
प्रकाशित: २१ श्रावण २०७८, बिहीबार
