काठमाडौं ।
आकाशिएको कम्पोनेन्ट मूल्यले शाओमीको स्मार्टफोन व्यवसायलाई असर गरेको छ। २०२६ को पहिलो तीन महिनामा कम्पनीले ३३.८ मिलियन युनिट ढुवानी गरेको छ र यो २०२५ को पहिलो त्रैमासिकको तुलनामा १९.२ प्रतिशतले कम भएको बताइएको छ।
साथै यो गिरावट विश्वव्यापी रूपमा शीर्ष ५ निर्माताहरूमध्ये सबैभन्दा ठूलो गिरावट भएको उल्लेख गरिएको छ।
तर शाओमीले चौथो स्थानको ओप्पो (वर्षिक रुपमा –६.६ प्रतिशत) र पाँचौं स्थानको भिभो (वर्षिक रुपमा –६.७ प्रतिशत) भन्दा तेस्रो स्थान कायम राख्न पर्याप्त अग्रता लिएको उल्लेख गरिएको छ। त्यसैगरी सामसङको ढुवानी वर्षिक रुपमा ८.० प्रतिशत र एप्पलको ढुवानी वर्षिक रुपमा ९.९ प्रतिशतले वृद्धि भएको छ।
क्षेत्रीय स्तरमा शाओमी ल्याटिन अमेरिकामा दोस्रो स्थानमा रहेको छ भने युरोप, अफ्रिका, मध्य पूर्व र दक्षिणपूर्व एशियामा तेस्रो स्थानमा रहेको र भारतमा चौथो स्थान आएको छ। चीनको आफ्नो गृह बजारमा, मार्चको अन्त्यमा कम्पनी १६ प्रतिशत हिस्सासहित तेस्रो स्थानमा रहेको जीएसएमएरिनाले रिपोर्ट गरेको छ।
अघिल्लो त्रैमासिकमा (२०२५ को चौथो त्रैमासिकमा) कम्पनीले बढ्दो एएसपी, औसत बिक्री मूल्यको बारेमा रिपोर्ट गरेको थियो। त्यतिबेला त्यो १,२११ चिनियाँ युआन पुगेको र त्यो अझ बढेर १,३१० चिनियाँ युआन पुगेको बताइएको छ। साथै यो गत वर्षको पहिलो त्रैमासिकको तुलनामा +८ प्रतिशत हिस्सा रहेको छ।
शाओमीले स्मार्ट ब्यान्डहरूमा बलियो स्थिति कायम राखेको छ (विश्वव्यापी रूपमा तेस्रो स्थान, चीनमा दोस्रो स्थान) र टीडब्ल्यूएस बडहरू (विश्वव्यापी रूपमा र चीनमा दोस्रो स्थान)।
तर कम्पनीले विश्वव्यापी रूपमा ट्याब्लेट निर्माताको रूपमा आफ्नो शीर्ष ३ स्थान गुमाएको छ। कम्पनी हाल १३.६ प्रतिशत गिरावट पछि पाँचौं स्थानमा रहेको छ। त्यसैगरी, ह्वावेले २८.६ प्रतिशतले वृद्धि गर्दै अब ३३ स्थान ओगटेको छ भने लेनोभो २०.० प्रतिशत वृद्धिको साथ अब चौथो स्थानमा रहेको छ।
शाओमीले यो वर्षको पहिलो त्रैमासिकमा ८०,८५६ ईभीहरू ढुवानी गरेको छ। ढुवानीमा अब शाओमी वाईयू७ सिरिजको प्रभुत्व रहेको र शाओमी एसयू७ सिरिज भन्दा वृद्धि गरेको बताइएको छ।
समग्रमा शाओमीले २०२६ को पहिलो त्रैमासिकमा ६.१ अर्ब चिनियाँ युआन नाफाको साथ ९९.१ अर्ब आम्दानीको रिपोर्ट गरेको छ। यो गत वर्षको पहिलो त्रैमासिकमा १०.७ अर्ब चिनियाँ युआन नाफाको साथ १११.३ अर्ब चिनियाँ युआन आम्दानीमा उल्लेखनीय रूपमा (४३.१प्रतिशत) कमी भएको रिपोर्ट गरिएको छ।
प्रकाशित: १४ जेष्ठ २०८३, बिहीबार
