प्रणालीमा आएको गडबडीको कारण बोइङ्गको स्टारलाइनरको प्रक्षेपण रोकियो

काठमाडौं ।

बोइङ्ग कम्पनीले एक प्रणालीमा आएको गडबडीको कारण मंगलवार अन्तर्राष्ट्रिय अन्तराष्ट्रिय स्पेस स्टेशनमा पुग्ने आफ्नो सीएसटी-१०० स्टारलाइनरको प्रक्षेपण रोकेको छ । यो सन् २०१९ को शुरुआतपछि अमेरिकी एयरोस्पेस कम्पनीको लागी एक नयाँ झट्का भएको छ।

‘बोइङ्ग इन्जीनियरहरुले “सफ्टवेयर सहित धेरै सम्भावित कारणहरु” लाई अस्वीकार गरे तर अझै प्रोपल्सन प्रणालीमा “अप्रत्याशित भल्भ स्थिति संकेत” को स्रोत बुझ्न काम गरिरहेका थिए,’ बोइङ्गले मंगलबार साँझ एक विज्ञप्तीमा भनेको छ ।

मूल्यांकन पूरा गर्न थप समय चाहिने हुँदा यो बुधवार अर्को सम्भावित प्रक्षेपण समय अगाडि नबढ्ने बताईएको छ।

मंगलबारको अप्रत्याशित परीक्षण उडानको ढिलाइले बोइङ्गको चालक दल सहितको फलो-अन मिशनको समयलाई प्रश्नमा पारेको छ, जुन बोइङ्गले डिसेम्बर भन्दा पहिले नै हुने बताएको छ।

स्टारलाइनर वास्तवमा शुक्रवार लन्च हुनुपर्ने थियो र स्पेस सेन्टरमा शनिवार  डक हुनुपर्ने थियो । तर रुसको नौका मोडूलमा आएको समस्याका कारण यो मंगलबारका लागि सरेको थियो ।

बोइङ्गको स्टारलाइनर इलन मस्कको स्पेसएक्ससँगको अन्तरिक्ष उडानको प्रतिस्पर्धामा आउने योजनामा छ । तर मंगलबारको प्रक्षेपणमा भएको समस्याले यसलाई थप समस्यामा पार्ने देखिएको छ ।

नासाले सन् २०१४ मा स्पेसएक्स र बोईङ्गलाई उनीहरुको आफ्नै क्याप्सुल तयार पार्न ठेक्का दिएको थियो । हालको उडान २४ घण्टाको थियो जसले नासाको ७६०  पाउण्ड तौलको सामाग्री अन्तराष्ट्रिय स्पेस स्टेशनमा पुर्याउनेछ । एजेन्सी