ताजा समाचार

अघि बढेन स्मार्ट सिटीको योजना

अघि बढेन स्मार्ट सिटीको योजना
Global IME Bank

पूर्वी नवलपरासीको गैँडाकोट नगरपालिकालाई स्मार्ट सिटी बनाउने कार्य अन्तिम चरणमा पुगेको दाबी गरे पनि कार्यान्वयन हुन सकेको छैन् ।

प्रविधिको उच्चतम प्रयोग गर्दै नगरपालिकालाई स्मार्ट सिटी बनाउने गरी ल्याइएको योजना एक वर्ष अगाडि नै सकिनुपर्नेमा अहिलेसम्म कार्यान्वयन हुन नसकेको हो । स्मार्ट सिटी भएपछि जनतालाई उपलब्ध गराउने सेवा सुविधा र तथ्याङ्क राख्ने विधिको उदाहरण गत वर्ष नै प्रदर्शन गरिएको थियो ।

बिनाकागज अनलाइनबाट कसरी सेवा प्रवाह गर्ने कार्यका लागि स्मार्ट सिटी टेक्नोलोजी काठमाडौँले जिम्मा लिएको थियो । गत वर्ष नै डेमो प्रस्तुत गरिएकोमा अहिलेसम्म काम नसकिएको वडा नं. ४ का वडाध्यक्ष कृष्णप्रसाद न्यौपानेले बताए ।

गत वर्ष नै सबै तयार भइसकेको भनिए पनि अहिलेसम्म लागू भने हुन नसकेको तर यो कार्यक्रम लागू गरे स्मार्ट सेवा प्रवाह गर्नेमा गैँडाकोट नगरपालिका देशमै पहिलो हुने नगरप्रमुख छत्रराज पौडेलले बताए ।

नगरप्रमुख पौडेलले स्मार्ट सिटीका सबै कार्यक्रम लागू गर्न साढे पाँच करोड रुपियाँ लागत अनुमान रहे पनि सबैभन्दा पहिला गर्नुपर्ने कार्यका लागि नगरपालिकाले ५० लाख बजेट विनियोजन गरेको र सङ्घीय सरकारसँग एक करोड रुपियाँ माग भए पनि रकम प्राप्त नभएको बताए । गोरखापत्र

Sajilo Visa
easy care