सरकारी सेवाहरुको लागि छुट्टै ‘डिजिटाईजेसन प्लेटफर्म’ ल्याउने प्रधानमन्त्री ओलीको घोषणा

काठमाडौं ।

सरकारले आफ्ना सेवाहरु अनलाइनमार्फत उपलब्ध गराउन डिजिटल सेवाहरुको लागि छुट्टै प्लेटफर्म ल्याउने भएको छ ।

आज देशवासीको नाममा सम्बोधन गर्दै प्रधानमन्त्री केपी शर्मा ओलीले सरकारी सेवाहरु उपलब्ध गराउन डिजिटाइजेसन प्लेटफर्म तयार पारेर सेवा दिने बताएका हुन् ।

“यसबाट सेवाग्राहीहरुलाई भौतिकरुपमा हुने गलफत्तीबाट मुक्त गराईनेछ ।” प्रधानमन्त्रीले सम्बोधनमा भने ।

उनले से प्लेटफर्ममार्फत कृषि, शिक्षा, स्वास्थ्यलगायतका सर्वसाधारणहरुलाई उपलब्ध गराउने सबै सेवाहरु अनलाइनमार्फत उपलब्ध गराउने बताएका हुन् ।

उनले यसबाट सरकारी सेवाहरु लिनका लागि सहज हुने बताएका छन् ।