बैदुद्धारा चीनमा चालकरहित अपोलो रोबोट्याक्सिको सशुल्क सेवा शुरु

काठमाडौं ।

चीनको इन्टरनेट सर्च जायन्ट बैदुले चीनमा अपोलो रोबोट्याक्सिको लागि सशुल्क सेवा सुरु गरेको छ । यो रोबोट्याक्सिमा पहिलो पटक स्टेरिङ्गको पछाडि कुनै पनि सुरक्षा चालक हुनेछैन् ।

बैदुले याे माइलस्टोन अलीबाबा समर्थित अटोएक्ससँग मिलेर हासिल गरेको हो । कम्पनीहरुको ड्राइभरलेस रोबोट्याक्सी सेवाले चीनको घना शहर, शेन्जेनमा लगातार १०० दिन पूरा गरेको छ । 

बैदुले शुरु गरेको यस अपरेसनमा यसको अपोलो चालकविहीन ट्याक्सीहरूको पहिलेका प्रदर्शनहरू भन्दा उल्लेखनीय भिन्न थियो, जसलाई स्टेयरिंगको पछाडि सुरक्षा ड्राइभर चाहिन्छ। यसको सट्टामा, एक सुरक्षा सदस्य आपतकालमा प्रतिक्रिया दिन अगाडिको यात्री सीटमा बस्दछन्।

रोलआउट अपरेसनमा हाल पश्चिमी बेइजिङ्गको १ किलोमिटर दायरा भित्र सञ्चालन हुने १० अपोलो रोबोट्याक्सि सामेल छन् । ट्याक्सीहरूले यात्रीहरूलाई शुगाङ्ग पार्कमा आठ निर्दिष्ट पोइन्टहरूमा छोड्ने र  लिने गर्दछन् । 

अपोलो रोबोट्याक्सि सेवा १८ वर्षदेखि ६० वर्षसम्मका यात्रुहरुका लागि तोकिएको छ र यसको लागि प्रति यात्रु ४।६० अमेरिकी डलर तिर्नुपर्दछ । यसमा यात्रु चढेर सिटबेल्ट बाँधिसकेपछि मात्र रोबोट्याक्सि कुद्नेछ ।

कम्पनीले गत वर्ष मात्र चीनका विभिन्न शहरहरुमा सञ्चालन गरेको रोबोट्याक्सि सेवामा २ लाख यात्रुहरुले सेवा लिएको बताएको छ ।