अटो टेक

नेपालमा बनेको इलेक्ट्रिक मोटरसाइकलको टेष्ट ड्राइभ बुधबार गर्न पाईने

नेपालमा बनेको इलेक्ट्रिक मोटरसाइकलको टेष्ट ड्राइभ बुधबार गर्न पाईने
Global IME Bank

नेपालमा बनेको इलेक्ट्रिक मोटरसाइकल ‘यात्री’ ले बुधबार ग्राहकलाई आफ्नो मोटरसाइकलको टेष्ट ड्राइभ गराउने भएको छ ।

नेपाली युवा इन्जिनियरको टिमले डिजाइन र निर्माण गरेको इलेक्ट्रिक मोटरसाइकलको टेष्ट ड्राइभको लागि इच्छुकहरुलाई सहभागी हुन सार्वजनिक आव्हान गरेको छ ।

सो टेष्ट ड्राइभ काठमाडौंको होटल ह्यातमा आयोजना गर्न लागिएको हो । यात्री मोटरसाइकल्सका अनुसार पहिलो चरणमा ५० जनाले मात्र टेष्ट ड्राइभ गर्न पाउने छन् । सरकारले कोभिड १९ को संक्रमणलाई हेरेर नयाँ नियम लागु गरेसँगै ५० जनालाई मात्र सहभागी गराउने जानकारी दिएको छ ।

त्यसको लागि कम्पनीको वेभसाइटमार्फत अनलाइन रजिष्ट्रेसन गरेर मात्र स्वीकृत भएपछि टेष्ट ड्राइभमा सहभागी हुन पाईनेछ।

यात्री कम्पनीले उत्पादन गर्ने मोटरसाइकल अर्को हप्ता सार्वजनिक हुँदैछ । कम्पनीले सन् २०१९ मा ‘पी-०’ मोडलको प्रोटोटाइप सार्वजनिक गरेको थियो भने अहिले अर्को मोडल ‘पी-१’ को समेत निर्माण गरिसकेको जनाएको छ ।

Sajilo Visa
easy care