एप्लिकेसन

कोरोना खोपबारे भ्रामक जानकारी फैलाउने ३० हजार भिडियो युट्युबाट डिलिट

कोरोना खोपबारे भ्रामक जानकारी फैलाउने ३० हजार भिडियो युट्युबाट डिलिट
Global IME Bank

युट्युबले कोरोना खोपको बारेमा भ्रामक जानकारी फैलाउने ३० हजार भिडियो डिलिट गरेको जानकारी दिएको छ ।

गलत जानकारीको विरुद्धमा युट्युबको नीति आएको ६ महिनापछि युट्युबले भिडियोहरु डिलिट गरेको हो ।

अक्टोबर भन्दा पहिले पनि युट्युबले कोरोनाको बारेमा गलत जानकारी बारे नीति ल्याएको थियो तर यसमा खोपलाई तोकेर केहीपनि लेखिएको थिएन् ।

युट्युबका एक प्रवक्ताकाअनुसार ती भिडियोहरुले विश्व स्वास्थ्य संगठन वा स्वास्थ्य नियामकहरुको भन्दा फरक विषयसहित भ्रामक जानकारीहरु दिईरहेका थिए ।

यस भन्दा अगाडि युट्युबले गत वर्ष कोरोना भाइरसको बारेमा गलत जानकारी फैलाउने ८ लाख भिडियोलाई पनि डिलिट गरेको थियो ।

डिलिट गरिएका भिडियोहरुमा भ्याक्सिनले मानिसहरु मर्ने, नपुङ्सक हुने वा सुक्ष्म माइक्रोचिप राखिने लगायतका गलत र भ्रामक अफवाहहरुसहित गलत जानकारी दिएका थिए ।

महामारीको शुरुवातमा पनि भाइरसको बारेमा अफवाह र हल्लाहरुसहित बिना आधार कन्स्पिरेसी थ्यौरीसहितका भिडियोहरु राखिएका थिए जसलाई युट्युबले हटाएको थियो ।

विश्व स्वास्थ्य संगठन र अरु प्रशासनहरुको जानकारी बाहेकको जानकारीलाई युट्युबले आधिकारिक नमान्ने बताएको छ ।

Sajilo Visa
easy care