एप्लिकेसन

ह्वाट्सएपको गोपनियता नीतिको असरः सिग्नल एपको डाउनलोडमा ४,२०० प्रतिशतको वृद्धि

ह्वाट्सएपको गोपनियता नीतिको असरः सिग्नल एपको डाउनलोडमा ४,२०० प्रतिशतको वृद्धि
Global IME Bank

मेसेजिंग एप ह्वाट्सएपले गत हप्ता प्रयोगकर्ताहरूलाई आफ्नो मूल कम्पनी, फेसबुकसँग केही व्यक्तिगत डाटा बाँड्न लगाउने नयाँ गोपनियता नीति घोषणा गरिसकेपछि ह्वाट्सएपका प्रतिद्वन्द्वीहरूले ठूलो वृद्धि गरेको बिजनेस इन्साइडरको रिपोर्टमा उल्लेख छ।

ह्वाट्सएपले जनवरी ६ मा प्रयोगकर्ताहरूलाई भनेको छ कि उनीहरूले फेसबुक र यसका सहायक कम्पनीहरूले फोन नम्बर र स्थानहरू सहित फेब्रुअरी ८ भन्दा अघि ह्वाट्सएप डाटा संगलन गर्ने अनुमति स्वीकार गर्न सहमत हुनुपर्नेछ अन्यथा एपको पहुँच गुमाउनेछन्।

ह्वाट्सएपले स्पष्ट गर्‍यो कि यसले यूरोपियन युनियन र बेलायत बाहिरका प्रयोगकर्ताहरूलाई मात्र असर गर्दछ र भन्दछ कि परिवर्तनले ‘कुनै पनि हिसाबले साथीहरू वा परिवारसँग तपाइँको सन्देशको गोपनीयता असर गर्दैन।’

एप एनालिटिक्स फर्म सेन्सर टावरको डाटाले देखाउँदछ कि ‘सिग्नल’, एक प्रतिस्पर्धी ईन्क्रिप्टेड सन्देश सेवामा ह्वाट्सएपको घोषणा पछि प्रयोगकर्ता संख्यामा ठूलो वृद्धि देखियो।

‘जनवरी ६ देखि जनवरी १० सम्म, सिग्नलले एप स्टोर र गुगल प्लेमा विश्वव्यापी रूपमा करीव ७५ लाख इन्स्टलहरू देख्यो,’ सेन्सर टावरका एक प्रतिनिधिले भने।

यसले अघिल्लो हप्ताको तुलनामा ४ हजार २०० प्रतिशतको वृद्धि प्रतिनिधित्व गर्‍यो।

विश्लेषक कम्पनी, एप एनीको तथ्यांक अनुसार बुधवार, युएसमा गुगल र एप्पलको एप स्टोर दुबैमा एप्लिकेसनले शीर्ष स्थान पाएको छ। फक्स न्यूजले रिपोर्ट गरेको छ कि सोमबारदेखि एप दुबै स्टोरहरूमा शीर्ष स्थानमा छ।

डाउनलोडमा भएको वृद्धिको कारण अर्को पनि छ । जहाँ अमेरिकी राष्ट्रपति डोनाल्ड ट्रम्पका समर्थकहरूले धेरै प्रयोग गर्ने सामाजिक मीडिया एप पार्लरलाई फेसबुकसहितका कम्पनीहरुद्धारा अफलाइन गरिएको छ ।

Sajilo Visa
easy care