काठमाडौं ।
चिनियाँ गेमिङ कम्पनीका संस्थापकलाई विष प्रयोग गरेर हत्या गरिएको छ । क्रिसमसका दिन मृत्यु भएको चिनियाँ टाइकुन व्यवसायीलाई विष दिइएको शंघाई प्रहरीले जनाएको छ।
बिबिसीको रिपोर्टअनुसार ३९ वर्षिय लिन क्यूई खेल विकासकर्ता कम्पनी युजु ()Yoozoo) का अध्यक्ष र प्रमुख कार्यकारी थिए । सो कम्पनी गेम अफ थ्रोन्स: विन्टर ईज कमिङ नामक रणनीति खेलको लागि विख्यात छ ।
शंघाई पुलिसकाअनुसार लिनका एक सहकर्मीलाई मुख्य संदिग्धको रूपमा औंल्याएको छ र उनको अन्तिम नाम जु द्वारा मात्र पहिचान गरिएको छ ।
हरुन चाइना रिच लिस्टअनुसार लिनको सम्पत्ति १.३ अरब डलर रहेको छ। उनले सो रकम गेम कम्पनीबाट नै आर्जन गरेका थिए ।
धेरै कर्मचारी र पूर्व कर्मचारीहरू शुक्रवार उनको मृत्युको शोक मनाउन युजुको कार्यालय बाहिर भेला भए। कम्पनीले आफ्नो आधिकारिक वेबो माइक्रोब्लगमा भावनात्मक बयान पनि जारी गर्यो।
सो पोष्टले हजारौं टिप्पणीहरूलाई आकर्षित गर्यो भने सो विषयमा वेबोमा २९० मिलियन भन्दा बढी पटक हेरिएको छ।
यसको गेम अफ थ्रोन्स गेम बाहेक, युजु कम्पनी चीनको टेन्सेन्ट होल्डिंगको साथ सुपरसेलको प्रख्यात हिट गेम ब्राल स्टार्सको सह प्रकाशक पनि हो।
प्रकाशित: १३ पुष २०७७, सोमबार
