ताजा समाचार

त्रिभुवन विमानस्थलबाट भन्सार छली गरेर ल्याएको आईफोन १२ सहितका मोबाइल बरामद

त्रिभुवन विमानस्थलबाट भन्सार छली गरेर ल्याएको आईफोन १२ सहितका मोबाइल बरामद
Global IME Bank

त्रिभुवन विमानस्थलबाट प्रहरीले भन्सार छलेर नेपाल भित्र्याएका महंगा मोबाइलहरु बरामद गरेकाे छ । प्रहरीले महंगा माेबाइलका साथमा लत्ताकपडा समेत बरामद गरेको छ ।

हङकङबाट भन्सार छलेर ल्याएको महँगो मूल्यका १० वटा आईफोनसहित मोबाइल र कपडासहित करिब १५ लाख ७५ हजार मूल्यको सामान बरामद गरिएको विमानस्थल प्रहरीले जनाएको छ ।

हङकङबाट नेपाल फर्केका यात्रुमार्फत मगाएको सामान भन्सार छलेर कालिमाटी घर भएका बिपिन मानन्धरले आगमनतर्फको पार्किङ क्षेत्रमा संकलन गरेका थिए ।

नेपाल एयरलाइन्सको उडान नम्बर आरए–४१० बाट ल्याएको सो सामान सहित प्रहरीले बिपिनलाई पनि पक्रेको रातोपाटीको रिपोर्टमा उल्लेख छ।

कस्मेटिक सामान, ज्याकेट, स्विटर र मोवाइलसहित उनलाई भन्सार कार्यालयमा पठाइएको महानगरीय प्रहरी त्रिभुवन विमानस्थल सुरक्षा कार्यालयले जनाएको छ ।

Sajilo Visa
easy care