आईफोन चार्ज भइरहेको बेला बाथटबमा खसेपछि रुसमा एक महिलाको मृत्यु

काठमाडौं ।

प्राय धेरै व्यक्तिले केहि अन्य काम गरिरहेको बेलामा पनि फोनको प्रयोग गर्न सुरू गर्दछन्। यस्तो अवस्थामा दुर्घटनाको जोखिम धेरै बढ्छ। त्यस्तै एउटा घटना फेरि बाहिर आएको छ जहाँ लापरवाहीका कारण एउटी महिलाको ज्यान गयो।

वास्तवमा, यो घट्ना रूसको अर्खंगेल्स्क शहरमा भएको हो। अर्खांगेल्स्क शहरमा बस्ने २४ वर्षीया ओलेशिया सेमेनोवाको नुहाउने क्रममा करेन्ट लागेर मृत्यु भयो।

जानकारी अनुसार, महिलाले बाथरूममा चार्जमा आईफोन ८ राखीन र बाथटबमा नुहाउन गइन्। नुहाउँदा, चार्जमा रहेको फोन प्लगबाट झरेर सिधा बाथटबमा गयो। बाथटबमा पानीको सम्पर्कमा आउने बित्तिकै करेन्ट द्रुत गतिमा फैलियो। ओलेशियालाई तिब्र इलेक्ट्रिक झटका लाग्यो र उनको घटनास्थलमा नै मृत्यु भएको बताईएको छ ।

बाथटबमा मृत भेटिएकी ओलेसियालाई पहिले उनको फ्ल्याटमेट डारियाले देखेकी थिईन र उनले नै पुलिसलाई खबर गरेकि थिईन्। डारियाले भनिन् कि ओलेसिया बाथटबमा मरेको देखेपछि उनी धेरै डराईन्। त्यस समयमा ओलेसियाको अनुहार पहेंलो रहेको बताईएको छ ।

२४ बर्षे ओलेशिया सेमेनोवा कपडाको पसलमा काम गर्छिन्। जानकारी अनुसार, उनी प्राय उनको फोन बाथरूममा राख्थिन्।

यस दुर्घटना पछि, रूसी आपतकालिन मन्त्रालयले एक एडभाईजरी जारी गरेको छ र जनतालाई बिजुलीका सामाग्रीहरु पानीको सम्पर्कबाट टाढा राख्न आग्रह गरेको छ। त्यसैगरि कुनैपनि मोबाइललाई त्यसरी प्रयोग नगर्न भनेको छ । र यो पनि भन्यो कि- ‘हामीले यस घटनाबाट पाठ लिनु आवश्यक छ ताकि यस्तो गल्ती फेरि दोहोरिन नसकोस्।’ एजेन्सी