नेपाल क्लियरिङ्ग हाउसले भन्यो- सामाजिक सञ्जालमार्फत रकम माग्ने फ्रड मेसेजबाट बच्नुहोस्

काठमाडौं ।

नेपाल क्लियरिङ्ग हाउसले फेसबुक भाइबरलगायतका सामाजिक संजालबाट रकम माग्नेसँग सतर्क हुन भनेको छ।

कम्पनीले हालै आफ्नो ट्विटर एकाउन्टबाट कुनैपनि सामाजिक सञ्जालबाट आउने रकम माग्ने लगायतका झुटा र नक्कली संदेशहरुबाट बच्न भनेको हो ।

क्लियरिङ्ग हाउसले कुनै साथीभाईले फेसबुक तथा भाइबर लगायतका सामाजिक संजालबाट रकम माग्ने कार्य नक्कली र फ्रड हुनसक्ने भन्दै सो बारेमा बुझेर मात्र रकम पठाउन भनेको छ ।

‘कोही साथीले पैसा माग्दै हुनुहुन्छ भने आफ्नो एकाउन्टबाट फण्ड ट्रान्सफर गर्नु अघि एक पटक फोन गरेर सुनिश्चित गर्नुहोला,’ कम्पनीले भनेको छ ।

फेसबुक, भाइबर वा अन्य social media मा आउने झुठो (fraud) मेसेजहरुबाट बच्नुहोस्।
कोही साथीले पैसा माग्दै हुनुहुन्छ भने Fund Transfer गर्नु अघि एक पटक फोन गरेर confirm गर्नुहोला। #NCHL #StaySafe #PaySafe pic.twitter.com/ygQm9mxZWr

— Nepal Clearing House (@NCHLOfficial) December 13, 2020

कम्पनीले आफ्नो भुक्तानी सेवा सुरक्षित र डिजिटल कारोबारलाई सुरक्षित बनाउन आग्रह समेत गरेको छ ।