काठमाडौं ।
जब तपाईं केहि खरीद गर्नुहुन्छ त्यसबेला तपाईँले बजारमा त्यस्तै देखिने अन्य चीजहरूसँग तुलना गर्नुहुन्छ।
त्यसोभए जब तपाइँको मोबाइलमा एप डाउनलोड गर्नुहुन्छ त्यसबेला तपाईं यसलाई अन्य एपहरूसँग तुलना गरेर डाउनलोड गर्नुहुन्छ ?
त्यसमा तपाईँको उत्तर होईन भन्ने नै हुन्छ । तर ती मानिसहरु जसले एपको तुलना गर्न प्रयास गरेका छन्, उनीहरूले केही कठिनाइको सामना गरेका छन्।
तर अब गूगललेनै तपाईंको लागि यो काम सजिलो बनाउन गइरहेको छ। वास्तवमा गूगल प्ले स्टोरले एक नयाँ फिचर थप गरेको छ। जसले केवल धेरै समान एप्स मात्र तुलना गर्दैन, तपाइँको आवश्यकता अनुसार सही एप छनौट गरेर पनि तपाईँलाई बताउँछ।
सुविधा कसरी तुलना गर्ने ?- जब तपाईं गूगल प्ले स्टोरमा गएर डाउनलोड गर्न कुनै एप चयन गर्नुहुन्छ। त्यसबेला सुविधा पृष्ठको तलको भागमा यस्तै प्रकारको एप तुलना गर्न Similar Apps सेक्सनको ठिक लत कम्पेयर फिचर फेला पर्नेछ। गूगल प्ले स्टोरको यो नयाँ सुविधाको फाईदा सिधै एन्ड्रोइड प्रयोगकर्ताहरूलाई हुनेछ। प्ले स्टोरमा एप छनौट गर्न पहिले नै रेटिङ्ग र समीक्षा सुविधा रहेको थियो। यद्यपि यो एप तुलनाबाट छनौट गर्न अझ सजिलो हुन्छ।
फिचरले यस प्रकारले कार्य गर्दछ- एप कम्पेयर सेक्सनमा एकै प्रकारका लोकप्रिय एप्सको सूची देखा पर्नेछ। प्रयोगको सजिलो, अफलाइन प्लेब्याक र कास्टिंग जस्ता तथ्यहरूको आधारमा एपलाई तुलना गर्न सकिन्छ । रिपोर्टअनुसार अहिले यो सुविधा केहि मिडिया प्लेयरहरूमा मात्र सीमित छ। गूगल प्ले स्टोरको यो फिचर एपको २२.४.२८ संस्करणमा उपलब्ध छ र छिटै यो सबैको लागि उपलब्ध हुने बताईएको छ ।
यस फिचरको शुरुवातसँगै प्रयोगकर्ताहरूले अब उप्रान्त लामो वर्णन पढ्न र प्रयोगकर्ता समीक्षा वा डाउनलोड गरेर डेमो लिने आवश्यकता पर्दैन् । एजेन्सी
प्रकाशित: १६ कार्तिक २०७७, आईतवार
