दूरसञ्चार

भारतीय मोबाइल प्रयोगकर्ताको खर्च ३० प्रतिशतले बढ्न सक्ने, टेलिकम शुल्क अझै बढ्ने विश्लेषण

भारतीय मोबाइल प्रयोगकर्ताको खर्च ३० प्रतिशतले बढ्न सक्ने, टेलिकम शुल्क अझै बढ्ने विश्लेषण
सांकेतिक
Global IME Bank

काठमाडौं । विश्वमै सस्तो मोबाइल तथा इन्टरनेट सेवा भएको देश भनेर चिनिने भारतमा सन् २०२० को वर्षमा भने मोबाइल सेवा महंगो हुने भएको छ । यसवर्ष भारतीय मोबाइल प्रयोगकर्ताको बिल अझ बढ्ने सक्ने भएको छ ।

हालै प्रकाशित रिपोर्टअनुसार इन्डस्ट्री एग्जिक्युटिभ्स र एनालिस्ट्सहरुले टेलिकम कम्पनीहरुले मोबाइल ट्यारिफमा २५–३० प्रतिशतले वृद्धि गर्न सक्ने अनुमान गरेका छन् । विज्ञहरुको अनुसार पनि टेलिकम कम्पनीहरुको एभरेज रेभेन्यु पर यूजर (एआरपीयु) मा अझैपनि धेरै वृद्धि भएको छैन । यसबाहेक भारतमा टेलिकम सर्भिसेजमा सब्सक्राइवरहरुको कुल खर्च अन्य देशहरुको तुलनामा धेरै कम रहेको छ ।

भोडाफोन–आइडिया र भारती एयरटेलको एडजस्टड ग्रस रेभेन्यु (एजिआर)को बक्यौता रकमको रुपमा ठुलो रकम भुक्तान गर्न बाँकी रहेको छ । यी कम्पनीहरुलाई आफ्नो वित्तीय अवस्थामा सुधार गर्नको लागी ट्यारिफ बढाउन पर्ने बाध्यता रहेको छ ।

अर्कोतर्फ विज्ञहरुले भोडाफोन–आइडियाको समस्याहरु अन्यको भन्दा धेरै रहेकोले कम्पनी भारतीय बिजनेसबाट बाहिर हुन सक्ने पनि आशंका गर्दछन । यदि यस्तो भएमा भारतीय टेलिकम मार्केटलाई भारती एयरटेल र रिलायन्स जियो मात्रैले धान्ने छन् ।

आईआईएफएच सेक्योरिटीका डाइरेक्टर सन्जिव भसीन पछिल्लो तीन वर्षमा प्रयोगकर्ताहरुको टेलिकमसँग जोडिएको सेवाहरुको खर्चमा कमी आएको र यसैकारण टेलिकम कम्पनीहरुले यसवर्ष ट्यारिफमा ३० प्रतिशत सम्मको बढेत्तरी गर्न सक्ने बताउँछन् ।

भारती एयरटेल, भोडाफोन आइडीया र रिलायन्स जियोले गतवर्षको अन्त्यमा प्रीपेड ट्यारिफ १४–३३ प्रतिशतसम्म बढाएका थिए । यो तीन वर्षपछिको पहिलो बढोत्तरी थियो । यसबाट यी कम्पनीहरुको एआरपीयू मौजुदा १२० भारुबाट बढेर आउँदो केहि चौमासिकमा १६० भारु मा पुग्न सक्दछ । तर भोडाफोन आइडियालाई यदि बक्यौता रकममा सरकारबाट राहत नमिलेमा यसका लागी समस्या अझ बढ्न सक्नेछ, र कम्पनीले चाँडै अर्को चरणको ट्यारिफ बढाउनु पर्नेछ ।

ट्यारिफमा हालको वृद्धिको बावजुद सब्सक्राइवहरुले संचार आवश्यकतामा प्रति व्यक्ति आम्दानीको ०.८६ प्रतिशत मात्रै खर्च गरिरहेका छन् । जुन भारतमा पछिल्लो चार वर्षको तुलनामा निकै कम हो । विश्लेषकहरुका अनुसार भारतमा संचारमा प्रयोगकर्ताको खर्च अमेरिका, ब्रिटेन, सिगांपुर, चीन, फिलिपीन्स, जापान र अस्ट्रेलियाभन्दा निकै कम हो ।

तीन वर्ष पहिले भारतीय टेलिकम बजारमा जियोको प्रबेश पछि मोबाइल इन्टरनेट प्रयोगमा निकै वृद्धि भएको छ । डाइरेक्टर भसिन प्रयोगकर्ताहरु अब डाटामा केहि बढी खर्च गर्न नहिच्कीचाउने बताउँछन् ।

एक्सपर्टहरुकाअनुुसार ट्यारिफमा हुने बढोत्तरीमा भोडाफोन आइडियाको भविष्य निर्धारण हुने बताउँछन् । भोडाफोन आइडीयाले भारतिय सुप्रीम कोर्टमा निवेदन दायर गर्नुको अलावा अन्य बिकल्पमा पनि विचार गरिरहेको जनाएको छ । एजेन्सी

Sajilo Visa
easy care