ताजा समाचार

जापानले ६जी प्रविधिको विकास गर्न लगानी गर्ने, सन् २०३० भित्र ६जी प्रविधि हासिल गर्ने योजना

जापानले ६जी प्रविधिको विकास गर्न लगानी गर्ने, सन् २०३० भित्र ६जी प्रविधि हासिल गर्ने योजना
Global IME Bank

काठमाडौं । विश्वभर भर्खरै ५जी प्रविधि र नेटवर्कको शुरुवात भईरहेको बेलामा विभिन्न देशहरुले अर्को पुस्ताको प्रविधि अर्थात ५जी प्रविधिको अनुसन्धान शुरु गरिसकेका छन् । सोहि दौडमा जापान पनि लागेको छ ।

हालै जापानले सरकारी र नागरिक सहकार्यमा पोस्ट ५जी अर्थात ६जी टेक्नोलोजीको लागि रणनीति तयार पारेको छ ।

सो रणनीतिअनुसार जापानले सन् २०३० भित्र ५जी भन्दा १० गुणा तिब्रकिसिमको कम्युनिकेशन स्पीड हासिल गर्ने लक्ष्य लिएको छ ।

जापान बाहेक चीन, दक्षिण कोरिया, फिनल्याण्डलगायतले पनि अनुसन्धान र विकासको कार्य तिब्र गर्दैछन भने त्यसमा लगानी गरेका छन् ।

यदि तपाईँले कम्युनिकेशन स्ट्याण्डर्डको आधारमा पेटेन्ट पाउनुभयोभने त्यसबाट उपकरणहरु र सफ्टवेयर बेचेर ठूलो नाफा कमाउन सक्नुहुन्छ । जापान ५जी टेक्नोलोजीको विकासमा सुस्त भएपनि अबको क्रममा भने अगाडी जान चाहन्छ ।

मिनिस्ट्री अफ इन्टरनल अफेयर्स एण्ड कम्युनिकेशन अफ जापानले यहि जनवरीमा नै सरकारी र नागरिकहरुको संयुक्त अनुसन्धान समाज गठन गर्नेछ । यसमा एनटिटि डोकोमो र तोसिबाका प्रतिनिधिहरु हुनेछन र उनीहरुले ६जीको लक्ष्यहरु र नीतिगत सहयोग जून महिनासम्म रणनीतिक सारांश तयार पार्नेछन् ।

जापानले सरकारको लगानीमा नै ६जी प्रविधको विकास र प्रबद्र्धन गर्नेछ ।

सिक्सजीको विकासले उच्चगतिको संचार प्रविधिको विकास गर्नेछ र यसमा धेरै देखिने वा नदेखिने विषयहरुको संभावना रहेको छ । ६जी अहिलेको ५जी भन्दा १० गुणा तिब्र विकास गर्ने जापानको तयारी भएपनि त्यो भन्दा पनि तिब्र हुनसक्नेछ । तर जापानले भने नेटवर्क स्पीडमा केन्द्रित भएर अध्ययन गर्ने बताईएको छ जसले ठूलो मात्रामा डाटाहरु एकैपटक पठाउन सकियोस र प्रयोगमा नआएका रेडियो हाई फ्रिक्वेन्सीको प्रयोग गर्न सकियोस् ।

जापानमा ठूला टेलिकम अपरेटरहरुले २०२० को पहिलो चौमासिक भित्र ५जी सेवाहरु लन्च गर्नसक्नेछन् । एजेन्सी

Sajilo Visa
easy care