चालु आर्थिक वर्षको पहिलो महिनामा झण्डै ५ करोड मूल्य बराबरको स्मार्टवाच आयात

काठमाडौं ।

चालु आर्थिक वर्ष २०८३/८४ को पहिलो महिना साउन मसान्तसम्म नेपालमा झण्डै ५ करोड रुपैयाँ बराबरको स्मार्टवाच आयात भएको छ।
भन्सार विभागले हालै सार्वजनिक गरेको आर्थिक वर्ष २०८३/८४ को उक्त अवधिसम्मको वैदेशिक व्यापारको तथ्यांकमा यस्तो उल्लेख छ।

यो अवधिमा ४ करोड ९८ लाख ७६ हजार मूल्य बराबरको १० हजार ४५ थान स्मार्टवाच आयात भएको छ। साउन मसान्तसम्म स्मार्टवाचका लागि यो रकम देशबाहिर जाँदा सरकारले १ करोड १४ लाख २ हजार रुपैयाँ राजस्व संकलन गरेको छ।

भन्सार विभागको तथ्यांक अनुसार यो अवधिमा नेपालमा विश्वका ११ मुलुकबाट स्मार्टवाच आयात भएको देखिन्छ।

२०८३ साउन मसान्तसम्मको आयात विवरणअनुसार सबैभन्दा धेरै ९ हजार १६७ थान स्मार्टवाच चीनबाट आयात भएको छ जसको समग्र मूल्य ३ करोड ३६ लाख ३२ हजार रुपैयाँ रहेको छ।

यसैगरी भारतबाट २८ लाख १७ हजार बराबरको ५१७ थान र भियतनामबाट १ करोड ३१ लाख २१ हजार बराबरको ३०० थान स्मार्टवाच भित्रिएको छ।विवरण यस्तो छ: