काठमाडौं ।
गुगलले गत जुन महिनामा क्रोम ब्राउजर भित्र जेमिनीको उपलब्धता धेरै देशहरूमा विस्तार गरेको थियो र अब यो अन्ततः सबैभन्दा ठूलो बजारहरू मध्ये एक बेलायतमा आइपुगेको छ।
रोलआउट डेस्कटपमा क्रोमबाट सुरु हुँदैछ भने जेमिनी अर्को महिना बेलायतमा आईओएसमा क्रोममा उपलब्ध हुने जीएसएमएरिनाले रिपोर्ट गरेको छ।
क्रोममा जेमिनीले प्रयोगकर्ताले आफूले प्रयोग गरिरहेको पृष्ठ छोड्नु नपर्ने गरी प्रयोगकर्तासँग कुराकानी गर्न, खुला ट्याबहरू संक्षेप गर्न, धेरैओटा ट्याबहरूमा जानकारी तुलना गर्न, विगतका कुराकानीहरूबाट सन्दर्भ सम्झन, नानो बनाना २ सँग तस्बिरहरू उत्पन्न गर्न र सम्पादन गर्नुका साथै अन्य धेरै कार्यहरु गर्न सक्नेछ।
यो क्यालेन्डर, म्याप्स, जीमेल, युट्युब र यस्तै अन्य गुगल एपहरूसँग पनि गहिरो रूपमा एकीकृत गरिएको छ। यो सुविधाले प्रयोगर्ताले हेरिरहेको युट्युब भिडियो वा म्याप्समा स्थानको बारेमा प्रश्नहरू सोध्न सहज बनाउनेछ। त्यसका साथै प्रयोगर्ताले बैठकहरू तालिका बनाउन र इमेलहरू ड्राफ्ट गर्न सक्ने उल्लेख गरिएको छ।
जेमिनी मोडेलहरू “ज्ञात खतराहरू पहिचान गर्न प्रशिक्षित” गरिएका छन् भने त्यसमा प्रम्प्ट इन्जेक्सन समावेश रहेका र जेमिनीसँग “संवेदनशील कार्यहरू” पूरा गर्नु अघि पुष्टिकरणको लागि सोध्ने सुरक्षा उपायहरू उपलब्ध रहेको गुगलले बताएको छ।
प्रकाशित: ३२ असार २०८३, बिहीबार
