काठमाडौं ।
सूचना तथा सञ्चार प्रविधिको क्षेत्रमा भएको अकल्पनीय विकाससँगै नेपाली गीतसंगीत र कलाकारहरु पनि प्रविधिमा पोख्त हुनुपर्नेमा प्राविधिकहरुले जोड दिएका छन्।
सांस्कृतिक अध्ययन तथा अनुसन्धान परिषद्ले ‘संगीत र प्रविधि’ शीर्षकमा शनिबारआयोजना गरेको कार्यक्रममा प्रशिक्षक राजेन्द्र अर्यालले गीतसंगीतको व्यापार, अडियो, भिडियो, टिकटक, फेसबुकलगायत ‘डिजिटल प्लेटफर्म’बाट कसरी धन आर्जन गर्न सकिन्छ भन्नेमा कलाकारहरू जानकार हुनुपर्ने बताए।
परिषद्का अध्यक्ष बमबहादुर कार्कीले प्रविधिविज्ञ र कलाकाहरूबीच हातेमालो हुनुपर्नेमा जोड दिए।
कार्यक्रममा कलाकारहरु खड्ग गर्बुजा, नरहरि प्रेमी, टीका पुन, रामकुमार कार्की, वैकुण्ठ महत, गोविन्दमधुर आचार्य, राजकुमार रायमाझी, ईश्वरी भुसाल (मादले दाइ), विष्णु खत्री, संगीतकार शशी शर्मा मजगैयालगायत सहभागी थिए।-रासस
प्रकाशित: २१ असार २०८३, आईतवार
