काठमाडौं ।
सरकारले सुरक्षण मुद्रण केन्द्रको कार्यकारी निर्देशकमा देवराज ढुंगाना (मोरङ) र गोरखापत्र संस्थानको महाप्रबन्धकमा हिक्मतबहादुर रावल (कैलाली) लाई नियुक्त गरेको छ।
बिहीबार बसेको मन्त्रिपरिषद्को बैठकले उक्त निर्णय गरेको हो ।
यसअघि सुरक्षण मुद्रण केन्द्रको कार्यकारी निर्देशक पदमा ढुंगानानै कार्यरत रहेका थिए। उनलाई तत्कालिन सरकारले २०८१ मंसिर २८ गते नियुक्त गरेको थियो।
वर्तमान सरकारले उनीसहितका करिब १५ सय राजनीतिक नियुक्तिलाई अध्यादेशमार्फत पदमुक्त गरेसँग केन्द्रमा उक्त पद रिक्त थियो।
अहिले फेरी सरकारले प्रतिस्पर्धाको आधारमा उनै ढुंगानालाई कार्यकारी निर्देशकमा नियुक्ति दिएको हो।
प्रकाशित: १८ असार २०८३, बिहीबार
