एन्ड्रोइड १७ स्टेबल अपडेट पिक्सेल फोनहरूमा रोल आउट हुँदै

काठमाडौं ।

गुगलले आधिकारिक रूपमा योग्य पिक्सेल डिभाइसहरूमा स्टेबल एन्ड्रोइड १७ अपडेट रोल आउट गर्न सुरु गरेको ब्लग पोस्टमा घोषणा छ। यो अपडेट २०२६ भरि अन्य एन्ड्रोइड निर्माताहरूबाट समर्थित फोनहरूमा पनि सीड गरिनेछ। साथै, गुगलले एन्ड्रोइड ओपन सोर्स प्रोजेक्ट (एओएसपी) मा एन्ड्रोइड १७ सोर्स कोड जारी गरेको छ।

एन्ड्रोइड १७ स्टेबल अपडेट पिक्सेल ६ र पछिल्ला फोनहरूमा रोल आउट भइरहेको छ। साथै गुगलले ‘एडभान्स्ड’ एन्ड्रोइड डिभाइसहरूले यो गर्मीको अन्त्यमा जेमिनी इन्टेलिजेन्स प्राप्त गर्ने उल्लेख गरेको छ।

एन्ड्रोइड १७ ले पिक्सेल फोनहरूमा धेरै नयाँ सुविधाहरू प्रस्तुत गरेको छ। जस्तै एप बबल्सले प्रयोगकर्ताहरूलाई कुनै पनि एपलाई फ्लोटिङ विन्डोमा परिणत गर्न र त्यसलाई अन्य एपहरूको माथि फ्लोट गर्न दिनेछ।

उल्लेखनीय रूपमा, फोल्डेबल फोनहरू र ठूला स्क्रिन भएका डिभाइसहरूले पनि एपहरू व्यवस्थापन गर्न स्क्रिनको तल बबल बार प्रदान गर्नेछन्।

एन्ड्रोइड १७ भएका फोल्डेबल डिभाइसहरूले गेम्स (खेलहरू) मा नयाँ ५०/५० लेआउट प्राप्त गर्ने भएका छन्। यो सुविधाटले स्क्रिनको एक छेउमा खेल र अर्कोमा डायनामिक गेमप्याड प्रदान गर्नेछ। गुगलका अनुसार यो सुविधा आगामी महिनाहरूमा रोल आउट हुने जीएसएमएरिनाले रिपोर्ट गरेको छ।

एन्ड्रोइड १७ अपडेटमा स्क्रिन रेकर्डिङमा नयाँ स्क्रिन रियाक्सन सुविधा पनि समावेश रहेको र त्यसले प्रयोगकर्ताहरूलाई स्क्रिन रेकर्ड गर्दा सेल्फी क्यामरा प्रयोग गरेर आफ्ना प्रतिक्रियाहरू रेकर्ड गर्न दिनेछ।

गुगलले लोकेसन एक्सेसमा नयाँ परिवर्तनहरू पनि ल्याउन गइरहेको छ। एपहरूमा नयाँ ‘वान–टाइम प्रिसाइज लोकेसन’ विकल्प, अनुमानित स्थानहरूको लागि अपडेट गरिएको एल्गोरिदम र “सटीक” र “अनुमानित” स्थान चेकबक्सहरूको लागि नयाँ रूप प्रदान गर्नेछ।

एन्ड्रोइड १७ मा फाइन्ड हबको लागि नयाँ सेक्योरिटी र सेफ्टि सुविधाहरू उपलब्ध छन्। “मार्क एस लस्ट” सुविधाले अब प्रयोगकर्ताहरूलाई बायोमेट्रिक्सको साथ हराएको डिभाइस लक गर्न दिनेछ।

एन्ड्रोइड १७ को साथ, प्रयोगकर्ताहरूले आफ्नो सम्पूर्ण सम्पर्क सूची सेयर गर्नुको सट्टा एपसँग केवल निश्चित सम्पर्कहरू सेयर गर्न पनि छनौट गर्न सक्नेछन्। अपडेटले लाइभ थ्रेट डिटेक्शन र एडभान्स्ड प्रोटेक्सन मोडमा अद्यावधिकहरू पनि ल्याएको छ।

एन्ड्रोइड १७ मा नयाँ एप मेमोरी सीमा सुविधा पनि थप गरिएको छ र त्यसले एपहरूले धेरै र्याम प्रयोग नगरोस् भनी सुनिश्चित गर्नेछ। साथै त्यहाँ विस्तारित डार्क थिम, होम स्क्रिनमा एप नामहरू लुकाउन नयाँ सेटिङ र धेरै अन्य डिजाइन परिवर्तनहरू गरिएका छन्।