काठमाडौं ।
कियाको पीबीभी (प्लेटफर्म बियोन्ड भेहिकल) पहल व्यावसायिक विद्युतीय सवारी साधन कस्तो हुन सक्छ भनेर पुनः परिभाषित गर्न डिजाइन गरिएको बताइएको छ।
यो केवल नयाँ भ्यान निर्माण गर्ने बारे नभएर व्यावसायिक यातायात, अर्बन लजिस्टिक र प्यासेन्जर (यात्रु) मोबिलिटीको आवश्यकताहरू अनुरूप अनुकूलन गर्न सक्ने मोड्युलर प्लेटफर्म सिर्जना गर्ने बारे भएको टेलिग्राफले रिपोर्ट गरेको छ।
कार्यक्रमको केन्द्रमा पीभी५ रहेको बताइएको छ भने नयाँ लाइनको पहिलो मोडेलमा पछि पीभी७ र पीभी९ समावेश गर्न विस्तार गरिने उल्लेख गरिएको छ।
साथै यो कियाका एक बलियो कदमको रुपमा मानिएको छ।
ब्रान्डले केवल अर्को विद्युतीय भ्यान मात्र निर्माण गर्न नचाहेको भन्दै यो ग्राहकहरूलाई पहिले अवस्थित नभएको कुरा प्रदान गर्न चाहेको बताएको छ।
साथै यो प्लेटफर्म मानिसहरू वा सामान ढुवानी गर्नको लागि, व्यावसायिक मोबिलिटीको र निजी प्रयोगको आवश्यकताहरू पूरा गर्न डिजाइन गरिएको बताइएको छ।
प्लेटफर्म विभिन्न आकार, लम्बाइ र कन्फिगरेसनहरूलाई ध्यानमा राखेर विकसित गरिएको थियो।
यो अधिकतम रेञ्ज खोज्ने ग्राहकहरूलाई उपयुक्त हुनुका साथै कम्प्याक्ट आयाम र भर्सट्यालिटी चाहिने भीडभाडयुक्त शहरी वातावरणमा काम गर्नेहरूलाई पनि उपयुक्त हुन सक्ने उल्लेख गरिएको छ।
किआ पीभी५ पहिलो चरण मात्र भएको बताइएको छ। पीभी७ २०२७ मा लन्च हुने तालिका रहेको छ भने पीभी९ २०२९ मा आइपुग्ने बताइएको छ।
प्रकाशित: २१ जेष्ठ २०८३, बिहीबार
