काठमाडौं ।
रियलमीले आफ्नो १६ सिरिज विस्तार गर्दै शुक्रबार रियलमी १६टी प्रस्तुत गरेको छ। यो डिभाइस सँगै लाइनअपमा स्मार्टफोनको कुल संख्या अब चार पुगेको छ।
रियलमी १६टीको सबैभन्दा ठूलो आकर्षण डिभाइसमा रहेको ८,००० एमएएच ब्याट्री रहेको छ। यो ब्याट्री ७ वर्षसम्म टिक्ने र एक पटक चार्ज गर्दा ३ दिनको इन्ड्युरेन्स प्रदान गर्ने बताइएको छ।
रियलमी १६टीको ब्याट्रीले ४५ वाट चार्जिङलाई समर्थन गर्नुका साथै ब्याट्रीले १५वाट रिभर्स वायर्ड चार्जिङलाई समर्थन गर्ने भएकाले ब्याट्रीलाई पावर बैंकको रूपमा पनि प्रयोग गर्न सकिनेछ। त्यसैगरी अल–सिनेरियो बाइपास चार्जिङ पनि उपलब्ध भएको जीएसएमएरिनाले रिपोर्ट गरेको छ।
रियलमी १६टीको पछाडि ५० मेगापिक्सेलको प्राथमिक क्यामराको साथमा २ मेगापिक्सेलको मोनोक्रोम युनिट समावेश गरिएको छ। प्राथमिक क्यामराले सोनी आईएमएक्स८५२ सेन्सर प्रयोग गर्दछ भने रियलमीले “५० मेगापिक्सेल सोनी आईएमएक्स८५२ ए
यो स्मार्टफोनमा केही एआई–संचालित फोटोग्राआई क्यामरा” को रूपमा विज्ञापन गरेको छ।फी सुविधाहरू छन्। एआई पोट्र्रेट ग्लोले “विषयवस्तुहरू वरिपरिको प्रकाशको बुद्धिमानीपूर्वक विश्लेषण गर्दछ र विषयको ब्राइटनेस (चमक) बढाउन पूरक लाइट इफेक्ट (प्रकाश प्रभाव) हरू लागू गर्दछ।”
एआई पोट्र्रेट ग्लोमा फ्ल्यास, स्टुडियो लाइट, न्याचुरल लाइट (प्राकृतिक प्रकाश) र रिम लाइट गरी चारओटा लाइट इफेक्ट (प्रकाश प्रभावहरू) उपलब्ध हुने छन्।
एआई सुविधाहरूको अतिरिक्त, रियलमी १६टी तस्बिरहरूमा “ट्रु–टु–लाइफ स्किन टोन” को लागि लुमाकलर इमेज प्रविधिको साथ आउँछ।
त्यसैगरी पछाडिको क्यामरा मोड्युलमा अउरा फ्ल्यास र सेल्फी मिरर रहेको छ र मोबाइल फोनमा यो नयाँ कुरा भने होइन। रियलमी १६टीको पछाडिको आवरणले ग्लिमिङ विङ्गस डिजाइनलाई पनि प्रस्तुत गरेको छ र यो केवल अरोरा ग्रीन कलरवेको साथ प्राप्त गरिने बताइएको छ।
रियलमी १६टीको अगाडि १,२०० निट्स अधिकतम चमकसहितको ६.८ इन्चको एचडी प्लस १४४ हर्ज एलसीडी रहेको छ। डिस्प्लेमा १६ मेगापिक्सेल सेल्फी क्यामराको लागि सेन्टर्ड पञ्च होल रहेको भए तापनि कुनै फिङ्गरप्रिन्ट स्क्यानर भने समावेश नगरिएको बताइएको छ। साथै फिङ्गरप्रिन्ट स्क्यानर फोनको दायाँ छेउमा रहेको पावर बटनमा इम्बेड गरिएको छ।
रियलमी १६टीमा डाइमेन्सिटी ६३०० एसओसी, ८जीबी सम्मको र्याम समावेश गरिएको छ। रियलमी १६टीले रियलमी यूआई ७.० लाई बक्स बाहिर चलाउँछ भने रियलमीले कति वर्षको सफ्टवेयर समर्थन प्राप्त गर्नेछ भन्ने बारेमा खुलासा गरेको छैन।
रियलमी १६टीका अन्य सुविधाहरूमा ५,३०० एमएम२ भेपर चेम्बर, एमआईएल–एसटीडी–८१०एच प्रमाणीकरण र आईपी६६, आईपी६८, आईपी६९, आईपी६९के र आईपी६९ प्रो मूल्याङ्कनहरू समावेश छन्। साथै डिभाइसमा २टीबी सम्म स्टोरेज विस्तारको लागि माइक्रोएसडी कार्ड स्लट पनि उपलब्ध छ।
रियलमी १६टी अरोरा ग्रीन, स्टारलाइट ब्ल्याक र भारत–विशेषमा स्टारलाइट रातो रङ्गमा आउँछ। डिभाइसको ६जीबी/१२८जीबीको मूल्य २९,९९९ भारतीय रुपैयाँ, ८जीबी/१२८जीबीको मूल्य ३१,९९९भारतीय रुपैयाँ र ८जीबी/२५६जीबीको मूल्य ३४,९९९ भारतीय रुपैयाँ छ।
रियलमी १६टी मे २७ देखि भारतमा रियलमीको भारतीय वेबसाइट, फ्लिपकार्ट र मुख्य खुद्रा स्टोरहरू मार्फत बिक्रीको लागि उपलब्ध हुनेछ।
प्रकाशित: ९ जेष्ठ २०८३, शनिबार
