काठमाडौं ।
एप्पल वाच अल्ट्रा ४ पूर्ण रूपमा रिडिजाइन गरिने नयाँ हल्ला बहिरिएको छ। २०२२ मा मूल एप्पल वाच अल्ट्रा लन्च भएदेखि एप्पलले पहिलो पटक आफ्नो सबैभन्दा महँगो स्मार्टवाचको डिजाइन परिवर्तन गर्न लागेको हो।
तर वाच अल्ट्रा ४ कस्तो देखिनेछ भन्ने बारेमा कुनै विवरण बाहिर नआएको र स्मार्टवाचको डिजाइनमा ठूलो परिवर्तन हुने अपेक्षा गरिएको छ।
यो डिभाइस “सेन्सिङ फङ्गसनहरूमा महत्त्वपूर्ण अपग्रेड” को साथ आउने स्रोतले दावी गरेको छ। तर डिभाइसमा नयाँ सेन्सरहरू थप गरिने छन् वा वाच अल्ट्रा ४ मा अझै पनि वाच अल्ट्रा ३ को जस्तै केवल उच्च प्रदर्शन (राम्रो ब्याट्री जीवनको साथ) सेन्सरहरू हुनेछन् भन्ने बारेमा स्पष्ट नभएको जीएसएमएरिनाले रिपोर्ट गरेको छ।
एप्पल वाच अल्ट्रा परिवारको लागि सेन्सर कम्पोनेन्टहरूको एप्पलको विशेष आपूर्तिकर्ताको रुपमा रहेको ताइवान–एशिया सेमीकन्डक्टरको लागि सेन्सर स्ट्याकमा हुने अपग्रेडको समाचार धेरै राम्रो खबर हुनेछ।
यो समयरेखाले सेप्टेम्बरमा आईफोन १८ प्रो र प्रो म्याक्ससँगै एप्पल वाच अल्ट्रा ४ पनि अनावरण गरिने कुरामा जोड दिएको छ। साथै एप्पलले सोही समयमा एयरपड्स अल्ट्रा र म्याकबुक अल्ट्रा पनि लन्च गर्ने सम्भावना रहेको उल्लेख गरिएको छ।
प्रकाशित: ६ जेष्ठ २०८३, बुधबार
